اب کہاں باقی رہا نور میں بھیگا ہوا تو — راکب مختار
شاعر
اب کہاں باقی رہا نور میں بھیگا ہوا تو
اب کہاں باقی رہا نور میں بھیگا ہوا تو
ہائے افسوس کئی ہاتھوں سے میلا ہوا تو
ایک چھالے میں سمیٹوں تجھے رسوا کر دوں
دشت اترا نہ مرے سامنے پھیلا ہوا تو
موت سے قبل یہ احساس سکوں دے گا مجھے
تیرا دیکھا ہوا میں ہوں میرا دیکھا ہوا تو
ہاتھ در ہاتھ کئی ہاتھ جھٹکتا ہوا میں
لوگ در لوگ بھرے شہر سے ملتا ہوا تو
پتیاں پھول کی مٹی سے اٹھائیں تو مجھے
یاد آیا مری آغوش میں بکھرا ہوا تو
آنکھ کھلتے ہی مرے ہاتھ سے چھن جاتا ہے
حالت_نیند میں اک خواب سے مانگا ہوا تو
اس قدر اونچی ہے سینے کے مدینے کی فصیل
جس سے ٹکرا کے پلٹ آئے گا بھاگا ہوا تو
Ab kahan baqi raha noor mein bheega hua tu
Ab kahan baqi raha noor mein bheega hua tu
Haaye afsos kai hathon se maila hua tu
Ek chhale mein sametun tujhe ruswa kar dun
Dasht utra na mere samne phaila hua tu
Maut se qabl yeh ehsas sukun dega mujhe
Tera dekha hua main hun mera dekha hua tu
Haath dar haath kai hath jhatakta hua main
Log dar log bhare shahr se milta hua tu
Pattiyan phool ki mitti se uthain to mujhe
Yaad aaya meri aghosh mein bikhra hua tu
Aankh khulte hi mere hath se chhin jaata hai
Haalat-e-neend mein ek khwab se manga hua tu
Is qadar unchi hai seene ke Madine ki faseel
Jis se takra ke palat aayega bhaga hua tu
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں