اپنی دھن میں بہتے ہوئے دریاؤں کو زخمایا ہے — راکب مختار
شاعر
اپنی دھن میں بہتے ہوئے دریاؤں کو زخمایا ہے
اپنی دھن میں بہتے ہوئے دریاؤں کو زخمایا ہے
شام ڈھلی تو ملاحوں نے گیت فراق کا گایا ہے
جب دنیا کے سب سوداگر دنیا داری کر رہے تھے
انشا جی سر پیٹ رہے تھے مایا ہے سب مایا ہے
سورج جاتے جاتے چھوڑ گیا تھا اندھی لڑکی کو
ہم نے شب کا ماتھا چوم کے پہلا دیپ جلایا ہے
ایک خدا کو ماننے والے اک رستے پہ چلے ورنہ
تیرے گھر تک دوراہا بھی چوراہا بھی آیا ہے
اس کے خوف اور غربت کا اندازہ کیسے ہو راکب
جس نے آخری تیلی سے آدھا سگریٹ سلگایا ہے
Apni dhun mein behte hue daryao'on ko zakhmaya hai
Apni dhun mein behte hue daryao'on ko zakhmaya hai
Shaam dhali to mallahon ne geet-e-firaaq ka gaaya hai
Jab duniya ke sab saudagar duniyadaari kar rahe the
Insha ji sar peet rahe the, "Maya hai sab maya hai"
Suraj jaate jaate chhod gaya tha andhi ladki ko
Hum ne shab ka matha choom ke pehla deep jalaya hai
Ek khuda ko maan'ne wale ek raste pe chale warna
Tere ghar tak doraha bhi choraha bhi aaya hai
Us ke khauf aur ghurbat ka andaaza kaise ho Raakib
Jis ne aakhri teeli se aadha cigarette sulgaya hai
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں