چراغ بجھنے لگے اور چھائی تاریکی — راکب مختار
شاعر
چراغ بجھنے لگے اور چھائی تاریکی
چراغ بجھنے لگے اور چھائی تاریکی
چکا رہا تھا میں قیمت ہوا سے یاری کی
تو سوچ بھی نہیں سکتا جس اہتمام کے ساتھ
کٹے شجر پہ پرندوں نے آہ و زاری کی
وہ جس کا عشق مرا جزو روح بن گیا تھا
اسی نے مجھ سے محبت بھی اختیاری کی
تمہارا وجد میں آنا فقط دکھاوا تھا
وہ کیفیت ہی نہیں تھی جو خود پہ طاری کی
تمہارے شہر کی حرمت کا پاس رکھتے ہوئے
عدو کوئی نہ بنایا سبھی سے یاری کی
جہاں خدا کی اذاں ہو رہی ہو گیت کی نذر
سنے گا کون وہاں پر صدا بھکاری کی
Chiraagh bujhne lage aur chhaayi taareeki
Chiraagh bujhne lage aur chhaayi taareeki
Chuka raha tha main qeemat hawa se yaari ki
Tu soch bhi nahin sakta jis ehtemaam ke saath
KaTe shajar pe parindon ne aah-o-zaari ki
Wo jis ka ishq mera juzv-e-rooh ban gaya tha
Usi ne mujh se mohabbat bhi ikhtiyaari ki
Tumhara wujood mein aana faqat dikhawa tha
Wo kaifiyat hi nahin thi jo khud pe taari ki
Tumhare shehr ki hurmat ka paas rakhte hue
Adu koi na banaya sabhi se yaari ki
Jahan Khuda ki azaan ho rahi ho geet ki nazar
Sunega kaun wahan par sada bhikaari ki
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں