دارالشفا سمجھ کے در یار پہ گئے — راکب مختار
شاعر
دارالشفا سمجھ کے در یار پہ گئے
دارالشفا سمجھ کے در یار پہ گئے
ایسے شفا ہوئی کہ وہیں بیٹھے مر گئے
اطراف میں تو اپنے تھے ، دشمن تھا سامنے
کیوں تیر میرے جسم میں ترچھے اتر گئے
وہ کچے گھر میں آج بھی رہتی ہے مطمئن
شہزادے جس کی چاہ میں جاں سے گزر گئے
کم ظرف لوگ آئے تھے جاگیرِ قیس میں
واپس پلٹ کے دشت کی توہین کر گئے
اتنا لُٹے ہیں مہر و مروت کی آڑ میں
ہم سے کسی نے ہاتھ ملایا تو ڈر گئے
وہ ہاتھ میرے ہاتھ سے چھوٹا اور اس کے بعد
جو ہاتھ اس کے ہاتھ لگے ہاتھ کر گئے
راکب مختار
Dar-ul-shifa samajh ke dar-e-yaar pe gaye
Dar-ul-shifa samajh ke dar-e-yaar pe gaye
Aise shifa hui ke wahin baiThe mar gaye
Atraaf mein to apne the, dushman tha saamne
Kiyoon teer mere jism mein tirchhe utar gaye
Wo kachche ghar mein aaj bhi rehti hai mutma'in
Shehzade jis ki chah mein jaan se guzar gaye
Kam zarf log aaye the jaageer-e-Qais mein
Waapas palaT ke dasht ki tauheen kar gaye
Itna luTe hain mehr-o-murawwat ki aaR mein
Hum se kisi ne haath milaaya to dar gaye
Wo haath mere haath se chhooTa aur us ke baad
Jo haath us ke haath lage haath kar gaye
شاعر کے بارے میں
راکب مختار جن کا اصل نام عابد حسین ہے، 22 جنوری 1987 کو تحصیل شور کوٹ ضلع جھنگ میں پیدا ہوئے
مکمل تعارف پڑھیں