دیکھ پگلی! جو فرشتوں کی طرح لگتے ہیں — راکب مختار
شاعر
دیکھ پگلی! جو فرشتوں کی طرح لگتے ہیں
دیکھ پگلی! جو فرشتوں کی طرح لگتے ہیں
وقت آنے پہ درندوں کی طرح لگتے ہیں
جانے کس غم میں گرفتار ہیں بستی کے مکیں
نوجواں لوگ بھی بوڑھوں کی طرح لگتے ہیں
کچھ فقیروں میں بھی ہیں شاہی عناصر موجود
اور کچھ شاہ فقیروں کی طرح لگتے ہیں
ہجر جب مسند_تشہیر پہ آتا ہے تو لوگ
چلتی پھرتی ہوئ قبروں کی طرح لگتے ہیں
تجھ سے وابستہ ہر اک شخص مجھے پیارا ہے
یہ وہ کانٹے ہیں جو پھولوں کی طرح لگتے ہیں
ترک کرنے کا جو سوچوں بھی تو ڈر جاتا ہوں
یار تو فرض نمازوں کی طرح لگتے ہیں
ایک بے جسم کی قامت کا خیال آتے ہی
سارے اونچے مجھے بونوں کی طرح لگتے ہیں
یہ ہے سادات کی بستی کہ جہاں سارے مکاں
عصر ڈھلتی ہے تو خیموں کی طرح لگتے ہیں
صرف ہم راندہء درگاہ نہیں ہیں راکب
آپ بھی اجڑے مزاروں کی طرح لگتے ہیں
Dekh pagli! Jo farishton ki tarah lagte hain
Dekh pagli! Jo farishton ki tarah lagte hain
Waqt aane pe darindon ki tarah lagte hain
Jaane kis gham mein giriftaar hain basti ke makeen
Naujawan log bhi boodhon ki tarah lagte hain
Kuchh faqiron mein bhi hain shahi anasir maujood
Aur kuchh shah faqiron ki tarah lagte hain
Hijr jab masnad-e-tashheer pe aata hai to log
Chalti phirti hui qabron ki tarah lagte hain
Tujh se wabasta har ek shakhs mujhe pyara hai
Yeh woh kaante hain jo phoolon ki tarah lagte hain
Tark karne ka jo sochun bhi to dar jaata hoon
Yaar tu farz namazon ki tarah lagte hain
Ek be-jism ki qaamat ka khayal aate hi
Saare oonche mujhe bonon ki tarah lagte hain
Yeh hai saadat ki basti ke jahan saare makan
Asr dhalti hai to khaimon ki tarah lagte hain
Sirf hum randah-e-dargah nahin hain Raakib
Aap bhi ujde mazaron ki tarah lagte hain
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں