لگتا ہے اپنے عہد و بیاں سے مکر گئے — راکب مختار
شاعر
لگتا ہے اپنے عہد و بیاں سے مکر گئے
لگتا ہے اپنے عہد و بیاں سے مکر گئے
اے شہر وہ دلوں کے جواری کدھر گئے
محسوس کر کے سوچا مجھے ایک شخص نے
میرے دل و دماغ چراغوں سے بھر گئے
پھولوں نے تیرے جُوڑے میں آ کر پناہ لی
گجرے کلائیوں کی نفاست پہ مر گئے
کوئی وفا شعار نہ بُھولے گا عمر بھر
آنکھوں کے ساتھ راہ میں ہم دل بھی دھر گئے
وہ کچے گھر میں آج بھی رہتی ہے مطمئن
شہزادے جس کی چاہ میں جاں سے گزر گئے
پہلے بھی کوئی کم تو نہ تھے شہر میں شریف
افسوس کا مقام ہے تم بھی سُدھر گئے؟
کم ظرف لوگ آئے تھے جاگیرِ قیس میں
واپس پلٹ کے دشت کی توہین کر گئے
اتنا لُٹے ہیں مہر و مروت کی آڑ میں
ہم سے کسی نے ہاتھ ملایا تو ڈر گئے
Lagta hai apne ahd-o-bayan se mukar gayi
Lagta hai apne ahd-o-bayan se mukar gayi
Aye shehar woh dilon ke juari kidhar gayi
Mehsoos kar ke socha mujhe ek shakhs ne
Mere dil-o-dimagh chiraghon se bhar gayi
Phoolon ne tere joode mein aa kar panah li
Gajre kalaiyon ki nafasat pe mar gayi
Koi wafa shiar na bhoolega umar bhar
Aankhon ke saath raah mein hum dil bhi dhar gayi
Woh kachche ghar mein aaj bhi rehti hai mutma'in
Shehzade jis ki chah mein jaan se guzar gayi
Pehle bhi koi kam to na the shehar mein shareef
Afsos ka muqam hai tum bhi sudhar gayi?
Kam zarf log aaye the jaagir-e-Qais mein
Wapas palat ke dasht ki tauheen kar gayi
Itna loote hain mehr-o-murawwat ki aad mein
Hum se kisi ne haath milaya to dar gayi
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں