تو مجھ سے دور چلا جائے گا ? خدا نہ کرے — راکب مختار
شاعر
تو مجھ سے دور چلا جائے گا ? خدا نہ کرے
تو مجھ سے دور چلا جائے گا ? خدا نہ کرے
خدا کرے تو بچھڑنے کا حوصلہ نہ کرے
اسے کہو مری آنکھیں دھڑکنے لگتی ہیں
اسے کہو کہ مرے سامنے ہنسا نہ کرے
تمہارے مالٍ غنیمت میں جس کی بیٹی ہے
دعا کرو کہ وہ مفتوح بد دعا نہ کرے
خدا کا واسطہ دے تو یہ لوگ دیتے ہیں
بھکاری بھوک سے مر جائے گر صدا نہ کرے
تم ایسا کرنا کہ رخ سے نقاب الٹ دینا
اگر یہ رات چراغوں پہ اکتفا نہ کرے
Tu mujh se door chala jaaye ga? Khuda na kare
Tu mujh se door chala jaaye ga? Khuda na kare
Khuda kare tu bichhaRne ka hausla na kare
Use kaho meri aankhen dhaRkaane lagti hain
Use kaho ke mere saamne hansa na kare
Tumhare maal-e-ghaneemat mein jis ki beTi hai
Dua karo ke wo maftooh bad-dua na kare
Khuda ka vaasta de to ye log dete hain
Bhikaari bhook se mar jaaye gar sada na kare
Tum aisa karna ke rukh se naqaab ulaT dena
Agar ye raat chiraaghon pe iktifa na kare
شاعر کے بارے میں
بھکاری گھر کے وڈیرے کو مل گئی شاہی الٹ کے تاج کو کاسہ بنائے پھرتا ہے
مکمل تعارف پڑھیں