یہ سانحہ بھی ہوا ہے تری خدائی میں — راکب مختار
شاعر
یہ سانحہ بھی ہوا ہے تری خدائی میں
یہ سانحہ بھی ہوا ہے تری خدائی میں
طلاق دی گئی دلہن کو منہ دکھائی میں
نہ ان کو جھوٹ پہ اکسا یہ سادہ لوگ کبھی
درود پڑھتے رہے تیری ہمنوائی میں
شدید غصے میں ست رنگی چوڑیوں کے ساتھ
ہمارا دل بھی ہے ٹوٹا تری کلائی میں
وہ موت کے ادب آداب سے نہیں واقف
جو جھانکتا ہے پہاڑوں سے روز کھائی میں
یہ اور بات کے ہم مانگتے نہیں ورنہ
ہمارا حصہ ہے دنیا کی پائی پائی میں
راکب مختار
Ye saanha bhi hua hai teri Khudai mein
Ye saanha bhi hua hai teri Khudai mein
Talaaq di gayi dulhan ko munh dikhayi mein
Na un ko jhooT pe uksa ye saada log kabhi
Durood paRhte rahe teri hamnawai mein
Shadeed ghusse mein sat rangi chooRiyon ke saath
Hamara dil bhi hai TooTa teri kalai mein
Wo maut ke adab aadaab se nahin waaqif
Jo jhaankta hai pahaaRon se roz khaai mein
Ye aur baat ke hum maangte nahin warna
Hamara hissa hai duniya ki paayi paayi mein
شاعر کے بارے میں
راکب مختار جن کا اصل نام عابد حسین ہے، 22 جنوری 1987 کو تحصیل شور کوٹ ضلع جھنگ میں پیدا ہوئے
مکمل تعارف پڑھیں