یہ جو ہم عالمِ بیداری میں کھل جاتے ہیں — راکب مختار
شاعر
یہ جو ہم عالمِ بیداری میں کھل جاتے ہیں
یہ جو ہم عالمِ بیداری میں کھل جاتے ہیں
گم شدہ لوگ ہمیں خواب میں مل جاتے ہیں
ڈھونڈنے والوں کا معیار خدا جانے مگر
شہر میں اچھے گنہگار بھی مل جاتے ہیں
آنکھ چھلکی ہے اگر تیرے بچھڑنے پہ تو کیا
زلزلے آنے سے پربت بھی تو ہل جاتے ہیں
قبریں دھرتی پہ ہیں قدرت کی کشیدہ کاری
لوگ مٹی کے اسی مٹی میں سل جاتے ہیں
چلتے پھرتے ہوئے غربت کے صحیفے اکثر
ہاتھ بٹوے میں چلا جائے تو کھل جاتے ہیں
راکب مختار
Yeh jo hum alam-e-bedari mein khul jaate hain
Yeh jo hum alam-e-bedari mein khul jaate hain
Gum shuda log humein khwab mein mil jaate hain
Dhoondne walon ka miyaar khuda jaane magar
Shehar mein achhe gunahgaar bhi mil jaate hain
Aankh chhalki hai agar tere bichhadne pe to kya
Zalzale aane se parbat bhi to hil jaate hain
Qabrein dharti pe hain qudrat ki kashida-kari
Log mitti ke usi mitti mein sil jaate hain
Chalte phirte hue ghurbat ke sahife aksar
Haath batwe mein chala jaaye to khul jaate hain
شاعر کے بارے میں
راکب مختار جن کا اصل نام عابد حسین ہے، 22 جنوری 1987 کو تحصیل شور کوٹ ضلع جھنگ میں پیدا ہوئے
مکمل تعارف پڑھیں