یہ سوچتے ہوئے حیرانیوں نے مار دیا — راکب مختار
شاعر
یہ سوچتے ہوئے حیرانیوں نے مار دیا
یہ سوچتے ہوئے حیرانیوں نے مار دیا
کہ ہم کو پیاس نہیں پانیوں نے مار دیا
رسیلے پھول سے کچھ تتلیاں بہلتی رہیں
نیا غلام مہارانیوں نے مار دیا
ملا تھا حکم ہتھیلی ہوا کے ساتھ رہے
مجھے چراغ کی من مانیوں نے مار دیا
بلوچ لے گئے پنوں اٹھا کے پہلو سے
غریب سسی کو مکرانیوں نے مار دیا
گلے لگایا تھا اس نے طویل ہجر کے بعد
مجھے خوشی کی فراوانیوں نے مار دیا
بڑی امید و عقیدت سے رند آیا تھا
شراب خانے کی ویرانیوں نے مار دیا
راکب مختار
Yeh sochte hue hairaniyon ne maar diya
Yeh sochte hue hairaniyon ne maar diya
Ke hum ko pyaas nahin paaniyon ne maar diya
Rasīle phool se kuchh titliyan behalti rahin
Naya ghulam maharaniyon ne maar diya
Mila tha hukm hatheli hawa ke saath rahe
Mujhe chiragh ki manmaniyon ne maar diya
Baloch le gaye pannu utha ke pehlu se
Ghareeb Sassi ko Makrānīyon ne maar diya
Gale lagaya tha us ne taweel hijr ke baad
Mujhe khushi ki farawaniyon ne maar diya
Badi umeed-o-aqeedat se rind aaya tha
Sharab khane ki veeraniyon ne maar diya
شاعر کے بارے میں
راکب مختار جن کا اصل نام عابد حسین ہے، 22 جنوری 1987 کو تحصیل شور کوٹ ضلع جھنگ میں پیدا ہوئے
مکمل تعارف پڑھیں