اکیلے سالگرہ مَیں نے کب منائی تھی! — سعید شارق
شاعر
اکیلے سالگرہ مَیں نے کب منائی تھی!
اکیلے سالگرہ مَیں نے کب منائی تھی!
اُداسی بتّیاں، تنہائی کیک لائی تھی
پھر ایک روز وہی دُھوپ میرے کام آئی
جو تیرے سائے سے چُھپ کر کبھی بچائی تھی
سیاہی جاتی نہیں میرے ہاتھ سے اب تک
کسی چراغ سے کُچھ روشنی چُرائی تھی
خریدنا پڑی آنکھوں سے مہنگے داموں پر
سماعتوں نے جو آواز بیچ کھائی تھی
مَیں ایک شام زرِ ہجر لے کے گھر لوٹا
یہ میری زندگی کی اوّلیں کمائی تھی
جُھلسنا چاہتی ہے آج خود ہی وہ تصویر
جسے گِلہ تھا: مجھے آگ کیوں دِکھائی تھی؟
غم اپنی اپنی درانتی سنبھالے آ پہنچے
پھر آج مُجھ میں کسی فصل کی کٹائی تھی
Akele saalgirah main ne kab manayi thi!
Akele saalgirah main ne kab manayi thi!
Udaasi battiyan, tanhayi cake laayi thi
Phir ek roz wohi dhoop mere kaam aayi
Jo tere saaye se chhup kar kabhi bachayi thi
Siyahi jaati nahin mere haath se ab tak
Kisi chiragh se kuch roshni churayi thi
Khareedna padi aankhon se mehnge daamon par
Sama'aton ne jo aawaz bech khayi thi
Main ek shaam zar-e-hijr le ke ghar lauta
Yeh meri zindagi ki awwaleen kamayi thi
Jhulashna chahti hai aaj khud hi woh tasveer
Jise gila tha: mujhe aag kyun dikhayi thi?
Gham apni apni daraanti sambhale aa pahnche
Phir aaj mujh mein kisi fasl ki katayi thi
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں