کھڑے ہی رہ گئے، مَیں اور انتظار مِرا — سعید شارق
شاعر
کھڑے ہی رہ گئے، مَیں اور انتظار مِرا
کھڑے ہی رہ گئے، مَیں اور انتظار مِرا
مذاق اُڑاتی رہی، گردِ رہ گُزار، مِرا
مَیں کش لگاتا ہوں اور آپ جھڑتا جاتا ہوں
سُلگ رہا ہے مِری راکھ سے سگار مِرا
یہ دل یہ گرد بھرا تخت، روز کہتا ہے:
کہاں گیا ہے ترا غم؟ وہ شہریار مِرا؟
گِرا ہے مجھ سے بہت دُور لمحۂ امروز
کوئی دبوچ نہ لے جائے یہ شکار مِرا!
نہ جانے کب مجھے رُوپوش ہونا پڑ جائے!
سو چل رہا ہے مِرے ساتھ ساتھ غار مِرا
نگاہ پڑتے ہی مَیں ڈُوب ڈُوب جاتا ہوں
بھرا ہُوا ہے عجب مچھلیوں سے جار مِرا
Khade hi reh gaye, main aur intizaar mera
Khade hi reh gaye, main aur intizaar mera
Mazaq udaati rahi, gard-e-reh-guzar, mera
Main kash lagata hoon aur aap jhadta jaata hoon
Sulag raha hai meri raakh se sigaar mera
Yeh dil yeh gard bhara takht, roz kehta hai:
Kahan gaya hai tera gham? Woh shehryaar mera?
Gira hai mujh se bahut door lamha-e-imroz
Koi daboch na le jaaye yeh shikaar mera!
Na jaane kab mujhe roopoosh hona pad jaaye!
So chal raha hai mere saath saath ghaar mera
Nigah padte hi main doob doob jaata hoon
Bhara hua hai ajab machhliyon se jaar mera
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں