اشک کیسے یہ کوئی اور نمی نکلی ہے — سعید شارق
شاعر
اشک کیسے یہ کوئی اور نمی نکلی ہے
اشک کیسے یہ کوئی اور نمی نکلی ہے
خوش ہی اتنا ہوں کہ آنکھوں سے ہنسی نکلی ہے
تین حصوں میں بٹا رہتا ہے اب گھر میرا
تیرے آ جانے سے کب تیری کمی نکلی ہے
عین ممکن ہے وہیں میرے شب و روز بھی ہوں
شہر نا وقت کے ملبے سے گھڑی نکلی ہے
کون آسیب ہے اس خواب سرا کا باسی
روشنی آنکھ سے چلاتی ہوئی نکلی ہے
خیر میں تو کہیں موجود ہی کب ہوں شارقؔ
رہی ویرانی سو وہ گھر سے ابھی نکلی ہے
Ashk kaise ye koi aur nami nikli hai
Ashk kaise ye koi aur nami nikli hai
Khush hi itna hoon ke aankhon se hansee nikli hai
Teen hisson mein bata rehta hai ab ghar mera
Tere aa jaane se kab teri kami nikli hai
Ain mumkin hai wahin mere shab-o-roz bhi hon
Shehr-e-nawaqt ke malbe se ghadi nikli hai
Kaun aaseb hai us khwab-sara ka baasi
Roshni aankh se chalaati hui nikli hai
Khair main to kahin maujood hi kab hoon Shariq
Rahi veerani so wo ghar se abhi nikli hai
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں