چوری چُھپے جو مِلتی رہی، برملا مِلی — سعید شارق
شاعر
چوری چُھپے جو مِلتی رہی، برملا مِلی
چوری چُھپے جو مِلتی رہی، برملا مِلی
تنہائی ایک دِن مجھے محفل میں آ مِلی
ہم دو تھے اور ایک نشستِ ملال تھی
وہ اُٹھ کے چل دیا تو مجھے بھی جگہ مِلی
سچ ہے: کوئی بھی شے نہیں خالِص رہی یہاں
اب خامشی بھی مِلتی ہے مجھ کو صدا مِلی
رہنے دے دشتِ دِل میں، کہِیں اور مت لگا!
مُرجھا نہ جاؤں گر نئی آب و ہوا مِلی!
مُجھ میں بچا ہوا تھا فقط ایک ہی چراغ
اور اس کی روشنی بھی اندھیرے سے جا مِلی!
ہاں! ہاں! اُسی طرح سے گُزرتے ہیں روز و شب
ہر شام چائے پیتا ہوں (لیکن دوا مِلی)
Chori chhupay jo milti rahi, barmala mili
Chori chhupay jo milti rahi, barmala mili
Tanhaai ek din mujhay mehfil mein aa mili
Hum do thay aur ek nashist-e-malal thi
Woh uth ke chal diya toh mujhay bhi jagah mili
Sach hai: koi bhi shai nahiñ khalis rahi yahañ
Ab khamoshi bhi milti hai mujh ko sada mili
Rehne de dasht-e-dil mein, kahin aur mat laga!
Murjha na jaaoon gar nayi aab-o-hawa mili!
Mujh mein bacha hua tha faqat ek hi chiragh
Aur us ki roshni bhi andhere se ja mili!
Haañ! Haañ! Usi tarah se guzarte hain roz-o-shab
Har shaam chai peeta hoon (lekin dawa mili)
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں