دل میں اترے نہ اداسی سے بھری کہلائے — سعید شارق
شاعر
دل میں اترے نہ اداسی سے بھری کہلائے
دل میں اترے نہ اداسی سے بھری کہلائے
کوئی تو شام ہو ایسی جو نئی کہلائے
ایک آواز جو آنکھوں کے لیے چشمہ ہو
ایک احساس جو ہاتھوں کی چھڑی کہلائے
ہندسے سوئیاں پھر میری کلائی پہ کھنچیں
وقت دونوں کا گھڑی صرف تری کہلائے
اک نظر ہی میں اسے دیکھ لیا ہے اتنا
آنکھ خالی بھی اگر ہو تو بھری کہلائے
داستاں بنتی گئی دیو میں ڈھلتا گیا میں
اس کی خواہش تھی کہ وہ خود بھی پری کہلائے
دل میں اڑتا یہ اداسی کا پرندہ شارقؔ
شاخ لب پر کبھی بیٹھے تو ہنسی کہلائے
Dil mein utre na udaasi se bhari kehlaaye
Dil mein utre na udaasi se bhari kehlaaye
Koi to shaam ho aisi jo nayi kehlaaye
Ek awaaz jo aankhon ke liye chashma ho
Ek ehsaas jo haathon ki chhadi kehlaaye
Hindse suiyaan phir meri kalayi pe khinchin
Waqt donon ka ghadi sirf teri kehlaaye
Ik nazar hi mein use dekh liya hai itna
Aankh khaali bhi agar ho to bhari kehlaaye
Daastan banti gayi dev mein dhalta gaya main
Uski khwahish thi ke wo khud bhi pari kehlaaye
Dil mein udta ye udaasi ka parinda Shariq
Shaakh-e-lab par kabhi baithe to hansee kehlaaye
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں