اک نظر ڈالی تھی میں نے سُوکھتے اشجار پر — سعید شارق
شاعر
اک نظر ڈالی تھی میں نے سُوکھتے اشجار پر
اک نظر ڈالی تھی میں نے سُوکھتے اشجار پر
آن بیٹھی دُھوپ میری روح کی دیوار پر
ٹوٹتے منظر کہاں بارِ دگر جُڑتے مگر
موند رکھیں اپنی آنکھیں یاد کے اصرار پر
یہ ہَوا کے دشت میں دھنستے ہوئے بوجھل قدم
روشنی ہنستی ہے میری آہ کی رفتار پر
جانے کس کی نیند پُوری ہو گئی میری جگہ!
دُھول جمتی جا رہی ہے چشمِ خواب آثار پر
دیکھتے ہی دیکھتے ایک ایک کر کے جل گئیں
روٹیاں رکھّی تھیں مَیں نے آج کے اخبار پر
کرچیاں اتنی ہیں کمرے میں کہ چھپتی ہی نہیں
اور کتنی چادریں پھیلائیں اِس انبار پر!
Ek nazar daali thi main ne sookhte ashjaar par
Ek nazar daali thi main ne sookhte ashjaar par
Aan baithi dhoop meri rooh ki deewaar par
Tootte manzar kahan baar-e-digar judte magar
Moond rakhein apni aankhen yaad ke israr par
Yeh hawa ke dasht mein dhanste hue bojhal qadam
Roshni hansti hai meri aah ki raftaar par
Jaane kis ki neend poori ho gayi meri jagah!
Dhool jamti ja rahi hai chashm-e-khwab-asaar par
Dekhte hi dekhte ek ek kar ke jal gayeen
Rootiyan rakkhi thin main ne aaj ke akhbaar par
Kurchiyan itni hain kamre mein ke chhup'ti hi nahin
Aur kitni chaadarain phailayein is ambar par!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں