گرچہ کمرے میں اندھیرا تھا بہت — سعید شارق
شاعر
گرچہ کمرے میں اندھیرا تھا بہت
گرچہ کمرے میں اندھیرا تھا بہت
میں نے ہونٹوں سے اسے دیکھا بہت
کب تلک آباد رہتیں کشتیاں!
مجھ میں دریا کم تھے اور صحرا بہت
آئنہ دیکھا تو مایوسی ہوئی
میں تو اب بھی ویسا ہوں تھوڑا بہت!
اک خزانہ جو کبھی تھا ہی نہیں
کر گیا آخر مجھے گہرا بہت
مجھ پہ کوئی رنگ و روغن کیا کرے!
کام کم ہونا ہے اور خرچہ بہت
Garchay kamre mein andhera tha bahut
Garchay kamre mein andhera tha bahut
Main ne honton se use dekha bahut
Kab talak aabad rehteen kashtiyan!
Mujh mein darya kam the aur sehra bahut
Aaina dekha toh mayusi hui
Main toh ab bhi waisa hoon thoda bahut!
Ek khazana jo kabhi tha hi nahin
Kar gaya aakhir mujhe gehra bahut
Mujh pe koi rang-o-roghan kya kare!
Kaam kam hona hai aur kharcha bahut
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں