گھٹا بھی دھیرے دھیرے اپنے پَر پھیلا رہی ہے — سعید شارق
شاعر
گھٹا بھی دھیرے دھیرے اپنے پَر پھیلا رہی ہے
گھٹا بھی دھیرے دھیرے اپنے پَر پھیلا رہی ہے
بَلا کی تیرگی ہے اور مجھ میں چھا رہی ہے
کئی منظر بنے جاتے ہیں جزوِ کور چشمی
نظر کی اشتہا آنکھوں کی رونق کھا رہی ہے
بہت دن اوڑھے رکھا روشنی کے چیتھڑوں کو
اور اب اک شب مجھے اپنا بدن پہنا رہی ہے
کڑی دوپہر ہے اور حبس آلودہ ہوائیں
وہ بارش ، جو بچا رکھی تھی، اب کام آ رہی ہے
کہاں اب وہ جزیرے ، کشتیاں ، ساحل ، سمندر
فقط اک لہر ہے جو آج تک بہلا رہی ہے
جگہ دے بیٹھی تھی کمرے میں آئینے کو ، شارقؔ
سو اب تنہائی بھی میری طرح پچھتا رہی ہے
Ghata bhi dheere dheere apne par phaila rahi hai
Ghata bhi dheere dheere apne par phaila rahi hai
Bala ki teergi hai aur mujh mein chha rahi hai
Kayi manzar bane jaate hain juzv-e-kor chashmi
Nazar ki ishteha aankhon ki raunaq kha rahi hai
Bahut din odhe rakha roshni ke cheethdon ko
Aur ab ik shab mujhe apna badan pehna rahi hai
Kadi dopahar hai aur habs aalooda hawaein
Woh barish, jo bacha rakhi thi, ab kaam aa rahi hai
Kahan ab woh jazire, kashtiyan, saahil, samandar
Faqat ik lehar hai jo aaj tak behla rahi hai
Jaga de baithi thi kamre mein aaine ko, Shariq!
So ab tanhai bhi meri tarah pachtaa rahi hai
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں