ہر مُسافر کا ہم سفر ہونا — سعید شارق
شاعر
ہر مُسافر کا ہم سفر ہونا
ہر مُسافر کا ہم سفر ہونا
کتنا مُشکل ہے رہ گزر ہونا!
اک خرابے میں عالی شان مکان
اور بھرے شہر میں کھنڈر ہونا
تبصرے کرنا تازہ خبروں پر
اپنی حالت سے بے خبر ہونا
ایک تو لڑنا باد و باراں سے
اور پھر خُشک شاخ پر ہونا
پختہ کرنا شکستہ دیواریں
اور خُود ٹُوٹنے کا ڈر ہونا
ایک سا تجربہ ہے میرے لیے
گھر میں ہونا کہ در بہ در ہونا
چھان مارا ہے آج دل کو بھی
تم یہاں بھی نہیں، مگر ہو نا؟
جانے کل کس قدر بچوں! شارقؔ
کم نہیں میرا اس قدر ہونا!
Har musafir ka humsafar hona
Har musafir ka humsafar hona
Kitna mushkil hai rahguzar hona!
Ik kharabe mein aali shaan makaan
Aur bhare shahar mein khandahar hona
Tabsare karna taaza khabron par
Apni haalat se bekhabar hona
Ek to ladna baad o baran se
Aur phir khushk shaakh par hona
Pukhta karna shikasta deewarain
Aur khud tootne ka dar hona
Ek sa tajurba hai mere liye
Ghar mein hona ke dar-ba-dar hona
Chhan mara hai aaj dil ko bhi
Tum yahan bhi nahin, magar ho na?
Jaane kal kis qadar bachoon! Shariq!
Kam nahin mera is qadar hona!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں