ہم اپنے آپ کو جن کا غلام کہتے ہیں — سعید شارق
شاعر
ہم اپنے آپ کو جن کا غلام کہتے ہیں
ہم اپنے آپ کو جن کا غلام کہتے ہیں
وہ سب صحابہ، علیؑ کو امام کہتے ہیں
یہی تو اک مُتبادل ہے مدحِ احمدؐ کا
سو جب بھی نعت نہ ہو تو سلام کہتے ہیں
حسینؑ حق پہ تھے ، اتنا تو مانیے صاحب!
یہ میں نہیں، عُلٙمائے کرام کہتے ہیں
عقیدہ ٹھیک نہ ہو تو سمجھیے، ورزش ہے
یہ جس کو آپ سجود و قیام، کہتے ہیں
سلام و منقبت و مرثیہ بھی لکھیے گا
غزل کے شعر تو سب خاص و عام، کہتے ہیں
Hum apne aap ko jin ka ghulaam kehte hain
Hum apne aap ko jin ka ghulaam kehte hain
Woh sab sahaba, Ali ko imaam kehte hain
Yehi to ek mutabaadil hai mad'h-e-Ahmad ka
So jab bhi naat na ho to salaam kehte hain
Hussain haq pe the, itna to maaniye sahib!
Yeh main nahin, Ulamaye Kiraam kehte hain
Aqīda theek na ho to samjhiye, warzish hai
Yeh jis ko aap sajda o qiyam, kehte hain
Salam o manqabat o marsiya bhi likhiyega
Ghazal ke sher to sab khaas o aam, kehte hain
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں