جس باغ کا پودا ہے اُدھر کیوں نہیں لگتا؟ — سعید شارق
شاعر
جس باغ کا پودا ہے اُدھر کیوں نہیں لگتا؟
جس باغ کا پودا ہے اُدھر کیوں نہیں لگتا؟
وہ زخم مجھے بارِ دگر کیوں نہیں لگتا؟
ہم دونوں کی ویرانی بھی شامل ہے تو یہ دشت
کیوں دشت نظر آتا ہے، گھر کیوں نہیں لگتا!
ویسے میں تماشا تو تجھے لگتا ہوں اب بھی
اک بار ذرا دیکھ اِدھر ، کیوں؟ نہیں لگتا؟
کیوں خرچ کیے جاتا ہوں تیری بھی اُداسی!
اب تیرا ضرر اپنا ضرر کیوں نہیں لگتا!
یہ ان چھوئے احساس کی ہر پَور میں گردش
اس طرح ہمیں زندگی بھر کیوں نہیں لگتا!
اچھّا! درِ تنہائی کھلا رہنے دوں؟ یعنی۔۔۔
دیوار سے لگ جاؤں ؟ مگر کیوں ؟ نہیں لگتا!
کیا ہے کہ کبھی پھولوں میں ڈھلتی نہیں کلیاں!
یہ غم کا شجر ہے تو ثمر کیوں نہیں لگتا!
کیوں روح نہیں کانپتی کچھ سوچ کے ، شارقؔ
ڈرتا ہوں کہ اب ہجر سے ڈر کیوں نہیں لگتا
Jis baagh ka pauda hai udhar kyun nahin lagta?
Jis baagh ka pauda hai udhar kyun nahin lagta?
Woh zakhm mujhe baar-e-digar kyun nahin lagta?
Hum dono ki veerani bhi shamil hai to yeh dasht
Kyun dasht nazar aata hai, ghar kyun nahin lagta!
Waise main tamasha to tujhe lagta hoon ab bhi
Ek baar zara dekh idhar, kyun? nahin lagta?
Kyun kharch kiye jaata hoon teri bhi udasi!
Ab tera zarar apna zarar kyun nahin lagta!
Yeh un chhue ehsaas ki har paur mein gardish
Is tarah hamein zindagi bhar kyun nahin lagta!
Achha! Dar-e-tanhayi khula rehne doon? Yaani...
Deewaar se lag jaaoon? Magar kyun? nahin lagta!
Kya hai ke kabhi phoolon mein dhalti nahin kaliyan!
Yeh gham ka shajar hai to samar kyun nahin lagta!
Kyun rooh nahin kaanpti kuch soch ke, Shariq!
Darta hoon ke ab hijr se dar kyun nahin lagta
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں