کیسا دروازہ کھٹکھٹاتا ہوں! — سعید شارق
شاعر
کیسا دروازہ کھٹکھٹاتا ہوں!
کیسا دروازہ کھٹکھٹاتا ہوں!
اپنی دستک سے ٹُوٹ جاتا ہوں
کیا کروں! چیخ بھی نہیں سکتا
خامشی سے صدا چباتا ہوں
وقت جاتاہےآگےآگے؟جائے!
میں بھی کب پیچھے پیچھےآتا ہوں!
کون سا نام اور کیسا پتہ؟
کوئی پُوچھے تو سر کھجاتا ہوں
پیاس لگتی ہے راکھ ہونے کی
سو اسے آگ سے بُجھاتا ہوں
نیند کا خار جس قدر بھی چُبھے
خواب کا پُھول توڑ لاتا ہوں
دل کا تندور سرد کیسے ہو!
رنج کی لکڑیاں جلاتا ہوں
کتنا مشکل ہے زندگی کا سبق!
یاد کرتے ہی بُھول جاتا ہوں
کاسہء چشم کیوں نہیں بھرتا!
اب تو آواز بھی لگاتا ہوں
Kaisa darwaza khatkhatata hoon!
Kaisa darwaza khatkhatata hoon!
Apni dastak se toot jata hoon
Kya karoon! CheeKH bhi nahin sakta
Khamushi se sada chabata hoon
Waqt jata hai aage aage? Jaaye!
Main bhi kab peeche peeche aata hoon!
Kaun sa naam aur kaisa pata?
Koi poochhe to sar khujata hoon
Pyaas lagti hai raakh hone ki
So use aag se bujhata hoon
Neend ka khaar jis qadar bhi chubhe
Khwab ka phool tod lata hoon
Dil ka tandur sard kaise ho!
Ranj ki lakdiyan jalata hoon
Kitna mushkil hai zindagi ka sabaq!
Yaad karte hi bhool jata hoon
Kasa-e-chashm kyon nahin bharta!
Ab to aawaz bhi lagata hoon
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں