کھینچتا جاتا ہے اپنی سمت ویرانہ مجھے — سعید شارق
شاعر
کھینچتا جاتا ہے اپنی سمت ویرانہ مجھے
کھینچتا جاتا ہے اپنی سمت ویرانہ مجھے
کتنا مہنگا پڑ گیا صحرا نظر آنا مجھے!
جیسے یوں زینہ بہ زینہ اس میں جا اُتروں گا میں
کِس نظر سے دیکھتا رہتا ہے تہ خانہ مجھے
آئنے کے ساتھ پی لیتا ہوں چائے شام کو
اور کبھی یہ کُرسیاں دیتی ہیں ظہرانہ مجھے
میں بھی تو دیکھوں کہ آخر اِن دنوں کیسا ہوں میں!
جب کہیں تم کو دکھائی دوں تو بتلانا مجھے
Kheenchta jaata hai apni simt veerana mujhe
Kheenchta jaata hai apni simt veerana mujhe
Kitna mehanga pad gaya sehra nazar aana mujhe!
Jaise yun zeena ba zeena is mein ja utrun ga main
Kis nazar se dekhta rehta hai teh khana mujhe
Aaine ke saath pee leta hun chaye sham ko
Aur kabhi yeh kursiyan deti hain zahrana mujhe
Main bhi to dekhun ke akhir in dinon kaisa hun main!
Jab kaheen tum ko dikhayi dun to batlana mujhe
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں