خود ہی پُھوٹا مرے اندر سے کوئی بیج کہیں — سعید شارق
شاعر
خود ہی پُھوٹا مرے اندر سے کوئی بیج کہیں
خود ہی پُھوٹا مرے اندر سے کوئی بیج کہیں
اور پھر مجھ میں اُداسی کی جڑیں پھیل گئیں
دو گڑھے تھے جنہیں کچھ پانی سے بھر رکھا تھا
تجھ سے پہلے مری آنکھیں ، مری آنکھیں تو نہ تھیں
ایسا لگتا ہے ابھی مجھ کو نگل جائے گی
پاؤں رکھوں تو مجھے گھورنے لگتی ہے زمیں
وہ مکیں ہوں جسے ملتا ہی نہیں اپنا مکاں
وہ مکاں ہوں جسے ملتا ہی نہیں اپنا مکیں
گھونٹ بھر بھی تری خواہش نہیں درکار مجھے
مَیں تو پہلے ہی بہت سیر ہوں ، بس! اور نہیں
مَیں نے اک غم کے سیہ گھر میں قدم کیا رکھا!
ان گنت روشنیاں میری طرف دوڑ پڑیں
اب تو بس آگ لگانے کی کسر رہ گئی ہے
لکڑیاں اُوب چکیں ، جھونپڑیاں ٹُوٹ چکیں
ہاتھ ملتی ہوئی رہ جائیں گی آنکھیں ، شارق
وہ کہیں اور چلا جائے گا مَیں اور کہیں
Khud hi phoota mere andar se koi beej kahin
Khud hi phoota mere andar se koi beej kahin
Aur phir mujh mein udasi ki jaden phail gayin
Do gadhe the jinhen kuchh pani se bhar rakha tha
Tujh se pehle meri aankhen, meri aankhen to na thin
Aisa lagta hai abhi mujh ko nigal jaegi
Paon rakhun to mujhe ghoorne lagti hai zameen
Wo makeen hoon jise milta hi nahin apna makan
Wo makan hoon jise milta hi nahin apna makeen
Ghoont bhar bhi teri khwahish nahin darkar mujhe
Main to pehle hi bahut sair hoon, bas! Aur nahin
Maine ek gham ke siyah ghar mein qadam kya rakha!
Anginat roshniyan meri taraf daud padin
Ab to bas aag lagane ki kasar rah gai hai
Lakdiyan ub chukin, jhonpadiyan toot chukin
Haath malti hui rah jaengin aankhen, Shariq
Wo kahin aur chala jaega main aur kahin
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں