کیا جانے کتنا عرصہ لگے میری بیل میں! — سعید شارق
شاعر
کیا جانے کتنا عرصہ لگے میری بیل میں!
کیا جانے کتنا عرصہ لگے میری بیل میں!
مدّت سے قید ہوں کسی نادیدہ جیل میں
تِیلی جلا کے پھینکنے والا ہے، کوئی دُکھ
لت پت پڑی ہے زندگی، مٹّی کے تیل میں
لہریں ہنسی ہنسی میں اچانک بپھر گئیں
اک ناؤ مجھ سے ڈُوب گئی کھیل کھیل میں
بڑھنے لگا ہے زیست کے اسٹال پر ہجوم
بِک ہی نہ جاؤں مَیں بھی کہِیں لُوٹ سیل میں!
اک یاد محوِ رقص ہوئی اور اِس طرح!
سب کُچھ لُٹانا پڑ گیا صرف ایک ویل میں
شاخِ ابد پہ مجھ کو نشانہ بنا سکے
اتنی لچک کہاں ہے زماں کی غلیل میں!
اب اپنے اپنے خواب کی بوگی میں قید ہیں
بیٹھے تھے ساتھ ساتھ کبھی ایک ریل میں
کِس کِس جگہ سے مَیں تجھے پیچھے دھکیلتا!
خُود کو کُچل دیا ہے، تری ریل پیل میں
Kya jaane kitna arsa lage meri bell mein!
Kya jaane kitna arsa lage meri bell mein!
Muddat se qaid hoon kisi naadeeda jail mein
Teeli jala ke phenkne wala hai, koi dukh
Lat pat padi hai zindagi, mitti ke tel mein
Lahrein hansi hansi mein achaanak biphhar gayin
Ek nao mujh se doob gayi khel khel mein
Badhne laga hai zeest ke stall par hujoom
Bik hi na jaaun main bhi kaheen loot sale mein!
Ek yaad mahv-e-raqs hui aur is tarah!
Sab kuch lutana pad gaya sirf ek veil mein
Shaakh-e-abad pe mujh ko nishana bana sake
Itni lachak kahan hai zaman ki ghulel mein!
Ab apne apne khwab ki bogie mein qaid hain
Baithe the saath saath kabhi ek rail mein
Kis kis jagah se main tujhe peeche dhakelta!
Khud ko kuchal diya hai, teri rail peil mein
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں