کیا کروں! اتنی مشقّت نہیں ہوتی مجھ سے! — سعید شارق
شاعر
کیا کروں! اتنی مشقّت نہیں ہوتی مجھ سے!
کیا کروں! اتنی مشقّت نہیں ہوتی مجھ سے!
بار بار اپنی مرمّت نہیں ہوتی مجھ سے
کون محروم کرے سلطنتِ دل سے تجھے!
یوں نہیں ہے کہ حکومت نہیں ہوتی مجھ سے
کھول بھی دے جو کبھی مصحفِ رُخ بادِ خیال
آیتِ لب کی تلاوت نہیں ہوتی مجھ سے
میں کہ مہمان ہوں اک بزمِ درُوں میں کب کا!
کسی تقریب میں شرکت نہیں ہوتی مجھ سے
جب سے ٹُوٹا ہے اُداسی کا کھلونا، شارق
جی بھی چاہے تو شرارت نہیں ہوتی مجھ سے
Kya karun! Itni mashaqqat nahin hoti mujh se!
Kya karun! Itni mashaqqat nahin hoti mujh se!
Baar baar apni marammat nahin hoti mujh se
Kaun mahroom kare saltanat-e-dil se tujhe!
Yun nahin hai ke hukoomat nahin hoti mujh se
Khol bhi de jo kabhi mushaf-e-rukh-e-baad-e-khayal
Aayat-e-lab ki tilawat nahin hoti mujh se
Main ke mehman hun ek bazm-e-daruun mein kab ka!
Kisi taqreeb mein shirkat nahin hoti mujh se
Jab se toota hai udasi ka khilona, Shariq
Ji bhi chahe to shararat nahin hoti mujh se
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں