میں اپنے عقب میں ہوں گلی ہے مرے پیچھے — سعید شارق
شاعر
میں اپنے عقب میں ہوں گلی ہے مرے پیچھے
میں اپنے عقب میں ہوں گلی ہے مرے پیچھے
اک گزری ہوئی شام کھڑی ہے مرے پیچھے
کب تھک کے گروں اور مرے اوپر سے گزر جائے
اک راہ گزر کب سے پڑی ہے مرے پیچھے
وہ دن بھی عبث لوٹ کے آیا مری خاطر
یہ شب بھی یوںہی خار ہوئی ہے مرے پیچھے
اک بار پلٹ کر نہیں دیکھی تھیں وہ آنکھیں
ہر وقت یہ لگتا ہے کوئی ہے مرے پیچھے
میں دشت بلا ہی سہی ساحل تھا کسی کا
اک ناؤ کہیں ڈوب گئی ہے مرے پیچھے
کانوں میں یوںہی انگلیاں ٹھونسے رہوں کب تک
رہ بھولی ہوئی کوئی ہنسی ہے مرے پیچھے
Main apne aqb mein hoon gali hai mere peechhe
Main apne aqb mein hoon gali hai mere peechhe
Ek guzri hui shaam khadi hai mere peechhe
Kab thak ke giroon aur mere upar se guzar jaaye
Ek raah-guzar kab se padi hai mere peechhe
Woh din bhi abas laut ke aaya meri khatir
Yeh shab bhi yunhi khaar hui hai mere peechhe
Ek baar palat kar nahin dekhi thin woh aankhen
Har waqt yeh lagta hai koi hai mere peechhe
Main dasht-e-bala hi sahi saahil tha kisi ka
Ek nao kahin doob gayi hai mere peechhe
Kaanon mein yunhi ungliyan thonse rahoon kab tak
Reh bhooli hui koi hansi hai mere peechhe
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں