مَیں خلا ہوتا تھا، مجھ کو کیسی دُنیا کر دیا! — سعید شارق
شاعر
مَیں خلا ہوتا تھا، مجھ کو کیسی دُنیا کر دیا!
مَیں خلا ہوتا تھا، مجھ کو کیسی دُنیا کر دیا!
ذہن میں مکّہ بسایا، دِل مدینہ کر دیا
چل پڑِیں مدح و ثنائے مُصطفیٰ کی کشتیاں
کیسی بارش نے مجھے صحرا سے دریا کر دیا!
بادِ طیبہ نے جلا دی اِک نئی شمعِ یقیں
اور سیہ پڑتے ہوئے دِل میں اُجالا کر دیا
دیکھتا رہتا ہوں اندھے پن میں بھی کُچھ قافلے
دِید کی خواہش نے مُجھ کو کیسا بینا کر دیا!
سخت کھاری ہو گیا تھا چشمہءِہستی مِرا
عشق کی اِک بُوند نے اِس کو بھی میٹھا کر دیا!
ڈُھونڈ لائی میرے ٹُکڑوں کو مدینے کی ہَوا
اور مُجھ بکھرے ہوئے کو پِھر اکٹھا کر دیا
Main khala hota tha, mujh ko kaisi dunya kar diya!
Main khala hota tha, mujh ko kaisi dunya kar diya!
Zehn mein Makka basaaya, dil Madina kar diya
Chal padin madh-o-sana-e-Mustafa ki kashtiyan
Kaisi baarish ne mujhe sehra se darya kar diya!
Baad-e-Tayyiba ne jala di ik nayi sham-e-yaqeen
Aur siyah padte hue dil mein ujaala kar diya
Dekhta rehta hoon andhe pan mein bhi kuch qaafle
Deed ki khwahish ne mujh ko kaisa beena kar diya!
Sakht khaari ho gaya tha chashma-e-hasti mera
Ishq ki ik boond ne is ko bhi meetha kar diya!
Dhoond laayi mere tukdon ko Madine ki hawa
Aur mujh bikhre hue ko phir ikattha kar diya
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں