پہلے خود کو خواب میں بہتا دریا ہوتے دیکھا — سعید شارق
شاعر
پہلے خود کو خواب میں بہتا دریا ہوتے دیکھا
پہلے خود کو خواب میں بہتا دریا ہوتے دیکھا
آنکھ کھلی تو خشک ندی سے صحرا ہوتے دیکھا
جاتے جاتے اُن نظروں نے کیسی دستک دے دی!
پل بھر میں پختہ دروازہ بوڑھا ہوتے دیکھا
شک رہتا تھا مرنے والے کیسے جی اُٹھّیں گے؟
اور پھر اک دن تیری یاد کو زندہ ہوتے دیکھا
دنیا، جس کی شکل مجھے اک آنکھ نہیں بھاتی تھی
اپنی آنکھوں سے خود کو بھی اُس کا ہوتے دیکھا
دیواریں کب تھیں! پر ان کے رخنے بھرتے دیکھے
رنگ کہاں تھا! لیکن رفتہ رفتہ ہوتے، دیکھا
دونوں ہیں شاہد اس کی تصویریں ہی مجرم ہیں
مٙیں نے اور عینک نے مجھ کو اندھا ہوتے دیکھا
کب سوچا تھا، ویرانی بھی ہو گی وجہِ تشبیہ!
آخر اُس کو بالکل اپنے جیسا ہوتے دیکھا
اگلی بات بتا! یہ عادت کیسے چھوڑی جائے؟
ہاں ہاں! دیکھا! خود کو پھر افسردہ ہوتے، دیکھا!
جانے کب اور کیسے جل کر راکھ ہوا مٙیں، شارق
اتنا یاد ہے کچھ تِنکوں کو یکجا ہوتے دیکھا
Pehle khud ko khwab mein bahta dariya hote dekha
Pehle khud ko khwab mein bahta dariya hote dekha
Aankh khuli to khushk nadi se sehra hote dekha
Jaate jaate un nazron ne kaisi dastak de di!
Pal bhar mein pukhta darwaza boodha hote dekha
Shak rahta tha marne wale kaise jee uthen ge?
Aur phir ek din teri yaad ko zinda hote dekha
Duniya, jis ki shakal mujhe ek aankh nahin bhaati thi
Apni aankhon se khud ko bhi us ka hote dekha
Deevaren kab thin! Par un ke rakhne bharte dekhe
Rang kahan tha! Lekin rafta rafta hote, dekha
Donon hain shahid is ki tasveeren hi mujrim hain
Maine aur ainak ne mujh ko andha hote dekha
Kab socha tha, veerani bhi hogi wajah-e-tashbeeh!
Akhir us ko bilkul apne jaisa hote dekha
Agli baat bata! Ye aadat kaise chhodi jaae?
Haan haan! Dekha! Khud ko phir afsurda hote, dekha!
Jaane kab aur kaise jal kar raakh hua main, Shariq
Itna yaad hai kuchh tinkon ko yakja hote dekha
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں