قدم قدم پہ ترے ہجر کی چڑھائی ہے — سعید شارق
شاعر
قدم قدم پہ ترے ہجر کی چڑھائی ہے
قدم قدم پہ ترے ہجر کی چڑھائی ہے
صدا کا موڑ ہے اور خامشی کی کھائی ہے
عروسِ ہست! یہ پژ مُردہ پھول تیرے لیے
مِری طرف سے یہی تیری مُنہ دِکھائی ہے
عجب نہیں وہ دِیا تیرگی سُنانے لگے
تمام عُمر جسے روشنی پڑھائی ہے
زباں کو ذائقہ ہاتھوں کو لمس چاہیے تھا
نِگاہ شاخ سے وہ سیب توڑ لائی ہے
بھڑکتی ہی نہیں افسردگی کی آگ کبھی
یہ تیرا دُکھ ہے کہ گیلی دِیا سلائی ہے!
بدل نہ دے وہ کہیں مجھ کو رات میں، شارِق
مِری گرفت میں جس شام کی کلائی ہے
Qadam qadam pe tere hijr ki chadhai hai
Qadam qadam pe tere hijr ki chadhai hai
Sada ka mod hai aur khamoshi ki khai hai
Aroos-e-hast! Yeh pur-murda phool tere liye
Meri taraf se yehi teri munh dikhai hai
Ajab nahin woh diya teeragi sunane lage
Tamaam umr jise roshni padhai hai
Zabaan ko zaaeqa haathon ko lams chahiye tha
Nigah shaakh se woh saib tod laayi hai
Bhadakti hi nahin afsurdagi ki aag kabhi
Yeh tera dukh hai ke geeli diya salai hai!
Badal na de woh kahin mujh ko raat mein, Shariq!
Meri giraft mein jis shaam ki kalai hai
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں