قطرہ قطرہ نمِ نادیدہ اُتر جانے دِیا — سعید شارق
شاعر
قطرہ قطرہ نمِ نادیدہ اُتر جانے دِیا
قطرہ قطرہ نمِ نادیدہ اُتر جانے دِیا
میں نے پیمانۂ افسردگی بھر جانے دِیا
اک شجر سے یہ توقع تھی کہ روکے گا مجھے
اور اس نے بھی مجھے لوٹ کے گھر جانے دِیا
میرا جانا بھی ضروری تھا مگر سائے نے
صرف سائے کو سرِ راہ گزر جانے دِیا
مجھے اندازہ تھا مَیں تھوڑا بہت ہوں اُس میں
سو اُسے جمع کِیا، خود کو بکھر جانے دِیا
ایک شب روک دی اشکوں کی رسَد چپکے سے
اور بیمار پڑی یاد کو مر جانے دِیا
اس تذبذب نے گھٹا رکھّی ہے رفتار مری
پھر کہاں جاؤں گا مَیں؟ اُس نے اگر جانے دِیا!
Qatra qatra nam-e-naadeeda utar jaane diya
Qatra qatra nam-e-naadeeda utar jaane diya
Main ne paimana-e-afsurdagi bhar jaane diya
Ek shajar se yeh tawaqqo thi ke roke ga mujhe
Aur us ne bhi mujhe laut ke ghar jaane diya
Mera jaana bhi zaroori tha magar saaye ne
Sirf saaye ko sar-e-raah guzar jaane diya
Mujhe andaaza tha main thoda bahut hoon us mein
So use jama kiya, khud ko bikhar jaane diya
Ek shab rok di ashkon ki rasad chupke se
Aur beemar padi yaad ko mar jaane diya
Is tazabzub ne ghata rakhi hai raftaar meri
Phir kahan jaunga main? Us ne agar jaane diya!
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں