سبھی سمجھتے ہیں اب بھی اکڑ کے چلتا ہوں — سعید شارق
شاعر
سبھی سمجھتے ہیں اب بھی اکڑ کے چلتا ہوں
سبھی سمجھتے ہیں اب بھی اکڑ کے چلتا ہوں
اگرچہ ہجر کی لاٹھی پکڑ کے چلتا ہوں
یہ تیرگی سے بھرا شہر، یہ سیہ مہتاب
یہیں پہنچتا ہوں گر صبح تڑکے چلتا ہوں
ترے بغیر کہاں کا سفر! مگر پھر بھی
مَیں اپنے پیروں سے اب لڑ جھگڑ کے چلتا ہوں
یہ دشتِ ہست ، یہ بیساکھیاں، یہ گردِ ملال
مَیں رات دن یونہی ایڑھی رگڑ کے چلتا ہوں
پلٹ کے آئے نہ آئے نَفَس، خدا حافظ!
دوبارہ دِل کبھی دھڑکے نہ دھڑکے، چلتا ہوں!
یہی حضر ہے مِرا اور یہی سفر ہے مِرا
مَیں ایک خواب کی دلدل میں گڑ کے، چلتا ہوں
تجھے بھی راکھ نہ کر بیٹھوں اپنے ساتھ کہیں!
سو اس سے قبل کہ آگ اور بھڑکے، چلتا ہوں!
وہ باغ میری طرف آئے بھی تو کیوں، شارقؔ
مَیں خود ہی وقت کی ٹہنی سے جھڑ کے چلتا ہوں
Sabhi samajhte hain ab bhi akad ke chalta hoon
Sabhi samajhte hain ab bhi akad ke chalta hoon
Agarchay hijr ki laathi pakad ke chalta hoon
Yeh teeragi se bhara shehr, yeh siyaha mahtaab
Yahin pahunchta hoon gar subah tadke chalta hoon
Tere baghair kahan ka safar! magar phir bhi
Main apne pairon se ab lad jhagad ke chalta hoon
Yeh dasht-e-hast, yeh besakhiyan, yeh gard-e-malaal
Main raat din yunhi edhi ragad ke chalta hoon
Palat ke aaye na aaye nafas, Khuda Hafiz!
Dobara dil kabhi dhadke na dhadke, chalta hoon!
Yehi hazar hai mera aur yehi safar hai mera
Main ek khwab ki daldal mein gad ke, chalta hoon
Tujhe bhi raakh na kar baithoon apne saath kahin!
So is se qabl ke aag aur bhadke, chalta hoon!
Woh baagh meri taraf aaye bhi toh kyun, Shariq!
Main khud hi waqt ki tehni se jhad ke chalta hoon
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں