سالارِؓ سپہ بھی ہیں، وزیرِؓ شہِ عالمؐ — سعید شارق
شاعر
سالارِؓ سپہ بھی ہیں، وزیرِؓ شہِ عالمؐ
سالارِؓ سپہ بھی ہیں، وزیرِؓ شہِ عالمؐ
پہلے ہوں کہ چوتھے، وہ خلیفہ ہیں مُعظّم
کس طرح نہ دیکھیں حدِ بینائی سے آگے!
جن آنکھوں پہ خود صاحبِ قرآںؐ نے کِیا دٙم
مدحت کے جریدے میں اُنھیؓ کے لیے مضمون
اخبارِ مودّت میں اُنھیؓ کے لیے کالم
اُس وقت سے وہ حیدرِ کرّارؓ ہیں، جس وقت
بوبکر ؓ تھے صدّیق نہ فاروقؓ تھے اعظم
میداں میں ابھی شیر دَہاڑا بھی نہیں تھا!
بھاگ اُٹھّے سگاں، گُرگ و پلنگاں نے کِیا رٙم
کٹتے رہے تلوار سے کُفّار ، لگاتار
پھر اس کو اشارہ کِیا حیدرؓ نے: ذرا تھم!
آقاؐ نے تھمایا تھا جسے ہاتھ میں اُن کے
لہراتا ہے اب تک مِرے دل میں وہی پرچم
ہے اُنؓ کی ولایت پہ نبّوت کو بھی اصرار
موسیٰؑ ہوں کہ عیسیٰؑ ہوں، براہیمؑ کہ آدمؑ
اس بار بھی ویسا ہی تھا اکّیسواں روزہ
خامے کا گلا خُشک تھا، قرطاس رہا نم
مولاؓ! تجھے ملنے کو ترستی رہیں خوشیاں
ہر سمت ترا رنج تھا، ہر سمت ترا غم
کیا کیا لِکھوں؟ اور کیسے لِکھوں؟ لفظ نہیں ہیں
دراصل۔۔ مگر۔۔۔ اس لیے۔۔گرچہ۔۔۔علیؓ۔۔۔تاہم۔۔۔
Salar-e-sipah bhi hain, wazeer-e-shah-e-alam
Salar-e-sipah bhi hain, wazeer-e-shah-e-alam
Pehle hon ke chauthe, wo khalifa hain muazzam
Kis tarah na dekhein hadd-e-beenaai se aage!
Jin aankhon pe khud saahib-e-qur'an ne kiya dam
Madhat ke jareede mein unhi ke liye mazmoon
Akhbar-e-mawaddat mein unhi ke liye kalam
Us waqt se wo Haidar-e-Karrar hain, jis waqt
Abu Bakr the Siddique na Farooq the Azam
Maidaan mein abhi sher dahaada bhi nahin tha!
Bhaag uthe sagaan, gurg o palangan ne kiya ram
Katte rahe talwar se kuffaar, lagatar
Phir is ko ishara kiya Haidar ne: zara tham!
Aaqa ne thamaya tha jise haath mein un ke
Lehrata hai ab tak mere dil mein wahi parcham
Hai un ki wilayat pe nabuwat ko bhi israr
Musa hon ke Isa hon, Ibrahim ke Adam
Is baar bhi waisa hi tha ikkiswan roza
Khame ka gala khushk tha, qirtas raha nam
Maula! Tujhe milne ko tarasti rahein khushiyan
Har simt tera ranj tha, har simt tera gham
Kya kya likhoon? Aur kaise likhoon? Lafz nahin hain
Dar-asal... magar... is liye... garcha... Ali... taham...
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں