سرشک و خُوں کے سوا کہیں کچھ رقم نہیں ہے — سعید شارق
شاعر
سرشک و خُوں کے سوا کہیں کچھ رقم نہیں ہے
سرشک و خُوں کے سوا کہیں کچھ رقم نہیں ہے
جو روشنائی طلب ہو یہ وہ قلم نہیں ہے
ہر ایک آنسو پہ کیوں نہ الحمدللّٰہ* بولوں؟
تو کیا یہ توفیقِ گریہ رب کا کرم نہیں ہے؟
کھنچا چلا جا رہا ہوں میں کربلا کی جانب
سوائے ابرِ فغاں کوئی ہم قدم نہیں ہے
نہ جانے کتنا وسیع ہے آسمانِ مدحت!
پرندِ فن میں اب اور اُڑنے کا دم نہیں ہے
ہے کون سا صفحہ، خشک ہوں جس کے گال اب تک!
ہے کون سا لفظ جس کی آنکھوں میں نم نہیں ہے!
حجاب و حزم و ادب کو ملحوظ رکھیے صاحب!
حسینؑ کا غم ہے یہ کوئی عام غم نہیں ہے
شہید زندہ ہیں، جانتا بھی ہوں مانتا بھی
مگر جو ان پر ستم ہُوا وہ بھی کم نہیں ہے
جو دل میں لہرا رہا ہے پرچم، وہ کون دیکھے!
بھلے مرے گھر کی چھت پہ تیرا ؓ علم نہیں ہے
Sarashk o khoon ke siwa kahin kuch raqam nahin hai
Sarashk o khoon ke siwa kahin kuch raqam nahin hai
Jo roshnaayi talab ho yeh woh qalam nahin hai
Har ek aansoo pe kyun na Alhamdullilah* boloon?
To kya yeh taufeeq-e-girya Rabb ka karam nahin hai?
Khincha chala ja raha hoon main Karbala ki jaanib
Siwaye abr-e-fughan koi hum qadam nahin hai
Na jaane kitna wasee hai aasman-e-madhat!
Parind-e-fun mein ab aur udne ka dam nahin hai
Hai kaun sa safha, khushk hoon jis ke gaal ab tak!
Hai kaun sa lafz jis ki aankhon mein nam nahin hai!
Hijaab o hazm o adab ko malhooz rakhiye sahib!
Hussain ka gham hai yeh koi aam gham nahin hai
Shaheed zinda hain, jaanta bhi hoon maanta bhi
Magar jo un par sitam hua woh bhi kam nahin hai
Jo dil mein lehra raha hai parcham, woh kaun dekhe!
Bhale mere ghar ki chhat pe tera alam nahin hai
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں