سینے میں اِک کتاب ہے کب سے کُھلی پڑی! — سعید شارق
شاعر
سینے میں اِک کتاب ہے کب سے کُھلی پڑی!
سینے میں اِک کتاب ہے کب سے کُھلی پڑی!
صفحے اُلٹتی رہتی ہے افسردگی، پڑی
جُوں ہی خیال آیا کسی کارگاہ کا
ناگاہ میرے کُوزہء جاں پر جِھری پڑی
کٹ جاتی اس کی دھار سے خُود ہی نیامِ چشم
ناچار مجھ کو تیغِ نظر کھینچنی پڑی
ہر خواب قتل کرنا پڑا اپنے ہاتھ سے
اور ایک ایک قبر بھی خُود کھودنی پڑی
چمکا گئی ہے مجھ کو اندھیرے کی اِک کرن
جانے بنے گا کیا جو کبھی روشنی پڑی!
جی کٹ کے رہ گیا اسے پامال دیکھ کر
اِک تو تمھاری یاد، پِھر ایسی گِری پڑی؟
گُزرا تھا کیسا ابر، سرِ کوہسارِ دِل!
پڑتے ہی تیز دُھوپ، ذرا برف بھی پڑی
کیا یاد رہتا مدرسہء دہر کا سبق!
مَیں اپنے دھیان میں تھا کہ یکدم چھڑی پڑی
Seene mein ik kitab hai kab se khuli paṛi!
Seene mein ik kitab hai kab se khuli paṛi!
Safhe ulatti rehti hai afsurdagi, paṛi
Jooñ hi khayal aaya kisi kargah ka
Naagah mere Kooza-e-jaań par jhiṛi paṛi
Kaṭ jaati us ki dhaar se khud hi niyam-e-chashm
Nachaar mujh ko tegh-e-nazar kheeñchni paṛi
Har khwab qatl karna paṛa apne haath se
Aur ek ek qabr bhi khud khodni paṛi
Chamak gayi hai mujh ko andhere ki ik kiran
Jaane banega kya jo kabhi roshni paṛi!
Jee kaṭ ke reh gaya usay pamaal dekh kar
Ik toh tumhari yaad, phir aisi giri paṛi?
Guzra tha kaisa abr, sar-e-kohsar-e-dil!
Paṛte hi tez dhoop, zara barf bhi paṛi
Kya yaad rehta madrasa-e-dahr ka sabaq!
Maiñ apne dhyaan mein tha ke yakdam chhaṛi paṛi
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں