تیرے کس کام کا تقدیر سے ہارا ہُوا مَیں! — سعید شارق
شاعر
تیرے کس کام کا تقدیر سے ہارا ہُوا مَیں!
تیرے کس کام کا تقدیر سے ہارا ہُوا مَیں!
تُو اگر لمحۂ فردا تو گزارا ہُوا مَیں
اُس کی سانسوں میں بھری تھی وہ طلسم آمیزی
دفعتاً برف کے ٹکڑے سے شرارا ہُوا مَیں
خود کو تکنا ہو تو آئینے مجھے تکتے ہیں
ایسے شفّاف ہوں مٹّی کا نتھارا ہُوا مَیں
جانے کتنے ہی چراغوں کی عداوت جھیلی!
تب کہیں جا کے ستاروں کو گوارا ہُوا مَیں
ریگِ صحرا میں اَٹے رہنے کا غم اپنی جگہ
پھر بھی خوش ہوں کہ پرندوں کا سہارا ہُوا مَیں
وہ یہ سمجھے کہ مجھے خود سے محبت ہی نہ تھی
بس یہی سوچ کے اے دوست ! تمہارا ہُوا مَیں
پہلے پہلے تو مِلے مجھ میں سمندر، شارقؔ
اور پھر دیکھتے ہی دیکھتے گارا ہُوا مَیں
Tere kis kaam ka taqdeer se hara hua main!
Tere kis kaam ka taqdeer se hara hua main!
Tu agar lamha-e-farda to guzara hua main
Us ki saanson mein bhari thi woh tilism-amezi
Daf'atan barf ke tukde se sharara hua main
Khud ko takna ho to aaine mujhe takte hi hain
Aise shaffaf hun mitti ka nithara hua main
Jaane kitne hi charaghon ki adawat jheeli!
Tab kaheen ja ke sitaron ko gawara hua main
Reg-e-sehra mein ate rehne ka gham apni jagah
Pher bhi khush hun ke parindon ka sahara hua main
Woh yeh samjhe ke mujhe khud se mohabbat hi na thi
Bas yehi soch ke ae dost! tumhara hua main
Pehle pehle to mile mujh mein samundar, Shariq!
Aur pher dekhte hi dekhte gaara hua main
شاعر کے بارے میں
نوجوان شاعر سعید شارق کا اصل نام محمد اجمل سعید ہے۔ وہ 03 جون 1993ء کو اسلام آباد میں پیدا ہوئے۔ انھوں نے بی ایس انجینئرنگ ٹیکنالوجی ( مکینیکل) می...
مکمل تعارف پڑھیں