بس اک رستہ ہے اک آواز اور ایک سایا ہے — سلیم کوثر
شاعر
بس اک رستہ ہے اک آواز اور ایک سایا ہے
بس اک رستہ ہے اک آواز اور ایک سایا ہے
یہ کس نے آ کے گہری نیند سے مجھ کو جگایا ہے
بچھڑتی اور ملتی ساعتوں کے درمیان اک پل
یہی اک پل بچانے کے لیے سب کچھ گنوایا ہے
ادھر یہ دل ابھی تک ہے اسیر وحشت صحرا
ادھر اس آنکھ نے چاروں طرف پہرہ بٹھایا ہے
تمہیں کیسے بتائیں جھوٹ کیا ہے اور سچ کیا ہے
نہ تم نے آئنہ دیکھا نہ آئینہ دکھایا ہے
ہمیں اک اسم اعظم یاد ہے وہ ساتھ ہے، ہم نے
کئی بار آسماں کو ان زمینوں پر بلایا ہے
کہاں تک روکتے آنکھوں میں ابر و باد ہجراں کو
اب آئے ہو کہ جب یہ شہر زیر آب آیا ہے
سلیمؔ اب تک کسی کو بد دعا دی تو نہیں لیکن
ہمیشہ خوش رہے جس نے ہمارا دل دکھایا ہے
Bas Ik Rasta Hai Ik Aawaz Aur Ek Saya Hai
Bas ik rasta hai ik aawaz aur ek saya hai
Yeh kis ne aa ke gahri neend se mujh ko jagaya hai
Bichhadti aur milti saaton ke darmiyan ik pal
Yehi ik pal bachane ke liye sab kuchh ganwaya hai
Idhar yeh dil abhi tak hai aseer-e-wehshat-e-sehra
Idhar is aankh ne charon taraf pehra bithaya hai
Tumhein kaise batayein jhoot kya hai aur sach kya hai
Na tum ne aaina dekha na aaina dikhaya hai
Humein ik ism-e-aazam yaad hai woh saath hai, hum ne
Kai baar aasman ko in zameeno par bulaya hai
Kahan tak rokte aankhon mein abr-o-baad-e-hijran ko
Ab aaye ho ke jab yeh shehar zer-e-aab aaya hai
Saleem, ab tak kisi ko bad-dua di to nahin lekin
Hamesha khush rahe jis ne hamara dil dukhaya hai
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں