نرخ بالا کن کہ ارزانی ہنوز — سلیم کوثر
شاعر
نرخ بالا کن کہ ارزانی ہنوز
ابھی ابھی اک ہوا کا جھونکا
جو تیرا لہجہ
جو تیرے گیتوں پہیلیوں کا امین بن کر
سماعتوں کو
ہزار لفظوں کی داستانیں سنا گیا ہے
ابھی ابھی بے کراں سا لمحہ
جو کتنی صدیوں کا بوجھ اٹھائے
گزر گیا ہے
جو میری آنکھوں میں سوئے منظر جگا گیا ہے
ابھی ابھی تیرا اک صحیفہ اک عہد بن کر
دیار دل میں اتر گیا ہے
مرا بدن ریزہ ریزہ ہو کر بکھر گیا ہے
میں دیکھتا ہوں
کہ نام تیرا
زبان تیری
کلام تیرا
زمیں کی پستی سے
آسماں کی بلندیوں تک
ہر آنے والے نصاب لمحے کا
پیشوا ہے
میں سوچتا ہوں
کہ تجھ پہ لکھوں
جو تجھ پہ لکھا
تو حرف میرے
ہوا میں تحلیل ہو گئے ہیں
میں چاہتا ہوں
کہ تجھ کو سوچوں
جو تجھ کو سوچا
تو ذات تیری
پہیلیوں میں الجھ گئی ہے
Narqh Bala Kun Ke Arzani Hanooz
Abhi abhi ek hawa ka jhonka
Jo tera lehja
Jo tere geeton pahiliyon ka ameen ban kar
Sama'aton ko
Hazar lafzon ki dastanein suna gaya hai
Abhi abhi be-karaan sa lamha
Jo kitni sadiyon ka bojh uthaye
Guzar gaya hai
Jo meri aankhon mein soye manzar jaga gaya hai
Abhi abhi tera ek sahifa ek ehd ban kar
Diyar-e-dil mein utar gaya hai
Mera badan reeza reeza ho kar bikhar gaya hai
Main dekhta hoon
Ke naam tera
Zaban teri
Kalaam tera
Zameen ki pasti se
Aasman ki bulandiyon tak
Har aane wale nisaab-e-lamhe ka
Peshwa hai
Main sochta hoon
Ke tujh pe likhoon
Jo tujh pe likha
To harf mere
Hawa mein tehleel ho gaye hain
Main chahta hoon
Ke tujh ko sochun
Jo tujh ko socha
To zaat teri
Pahiliyon mein ulajh gayi hai
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں