کہیں تم اپنی قسمت کا لکھا تبدیل کر لیتے — سلیم کوثر
شاعر
کہیں تم اپنی قسمت کا لکھا تبدیل کر لیتے
کہیں تم اپنی قسمت کا لکھا تبدیل کر لیتے
تو شاید ہم بھی اپنا راستہ تبدیل کر لیتے
اگر ہم واقعی کم حوصلہ ہوتے محبت میں
مرض بڑھنے سے پہلے ہی دوا تبدیل کر لیتے
تمہارے ساتھ چلنے پر جو دل راضی نہیں ہوتا
بہت پہلے ہم اپنا فیصلہ تبدیل کر لیتے
تمہیں ان موسموں کی کیا خبر ملتی اگر ہم بھی
گھٹن کے خوف سے آب و ہوا تبدیل کر لیتے
تمہاری طرح جینے کا ہنر آتا تو پھر شاید
مکان اپنا وہی رکھتے پتا تبدیل کر لیتے
وہی کردار ہیں تازہ کہانی میں جو پہلے بھی
کبھی چہرہ کبھی اپنی قبا تبدیل کر لیتے
جدائی بھی نہ ہوتی زندگی بھی سہل ہو جاتی
جو ہم اک دوسرے سے مسئلہ تبدیل کر لیتے
ہمیشہ کی طرح اس بار بھی ہم بول اٹھے ورنہ
گواہی دینے والے واقعہ تبدیل کر لیتے
بہت دھندلا گیا یادوں کی رم جھم میں دل سادہ
وہ مل جاتا تو ہم یہ آئینہ تبدیل کر لیتے
Kahin tum apni qismat ka likha tabdeel kar lete
Kahin tum apni qismat ka likha tabdeel kar lete
To shayad hum bhi apna raasta tabdeel kar lete
Agar hum waqayi kam hausla hote mohabbat mein
Marz badhne se pehle hi dawa tabdeel kar lete
Tumhare saath chalne par jo dil raazi nahin hota
Bahut pehle hum apna faisla tabdeel kar lete
Tumhein un mausamon ki kya khabar milti agar hum bhi
Ghutan ke khauf se aab-o-hawa tabdeel kar lete
Tumhari tarah jeene ka hunar aata to phir shayad
Makaan apna wahi rakhte pata tabdeel kar lete
Wahi kirdaar hain taza kahani mein jo pehle bhi
Kabhi chehra kabhi apni qaba tabdeel kar lete
Judayi bhi na hoti zindagi bhi sehal ho jaati
Jo hum ek doosre se masla tabdeel kar lete
Hamesha ki tarah is baar bhi hum bol uthe warna
Gawahi dene wale waqia tabdeel kar lete
Bahut dhundla gaya yaadon ki rim-jhim mein dil-e-saada
Woh mil jaata to hum yeh aaina tabdeel kar lete
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں