کس کی تحویل میں تھے کس کے حوالے ہوئے لوگ — سلیم کوثر
شاعر
کس کی تحویل میں تھے کس کے حوالے ہوئے لوگ
کس کی تحویل میں تھے کس کے حوالے ہوئے لوگ
چشم گریہ میں رہے دل سے نکالے ہوئے لوگ
کب سے راہوں میں تری گرد بنے بیٹھے ہیں
تجھ سے ملنے کے لیے وقت کو ٹالے ہوئے لوگ
کہیں آنکھوں سے چھلکنے نہیں دیتے تجھ کو
کیسے پھرتے ہیں ترے خواب سنبھالے ہوئے لوگ
دامن صبح میں گرتے ہوئے تاروں کی طرح
جل رہے ہیں تری قربت کے اجالے ہوئے لوگ
یا تجھے رکھتے ہیں یا پھر تری خواہش دل میں
ایسے دنیا میں کہاں چاہنے والے ہوئے لوگ
Kis Ki Tehweel Mein The Kis Ke Hawale Hue Log
Kis ki tehweel mein the kis ke hawale hue log
Chashm-e-girya mein rahe dil se nikale hue log
Kab se raahon mein teri gard bane baithe hain
Tujh se milne ke liye waqt ko taale hue log
Kahin aankhon se chhalkane nahin dete tujh ko
Kaise phirte hain tere khwab sambhale hue log
Daman-e-subh mein girte hue taaron ki tarah
Jal rahe hain teri qurbat ke ujale hue log
Ya tujhe rakhte hain ya phir teri khwahish dil mein
Aise duniya mein kahan chahne wale hue log
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں