لذتِ ہجر لے گئی، وصل کے خواب لے گئی — سلیم کوثر
شاعر
لذتِ ہجر لے گئی، وصل کے خواب لے گئی
لذتِ ہجر لے گئی، وصل کے خواب لے گئی
قرض تھی یادِ رفتگاں، رات حساب لے گئی
جامِ سفال پر مری کتنی گرفت تھی مگر
آب و ہوا ئے روز و شب، خانہ خراب، لے گئی
صحبتِ ہجر میں گھری جُنبشِ چشمِ سُرمگیں
خُود ہی سوال کر گئی ،خُود ہی جواب لے گئی
تِشنہ خرامِ عشق پر ابَر کے سائے تھے مگر
عرصۂ بےگیاہ تک چشمکِ آب لے گئی
کارِ جہاں سے رُوٹھ کر پھر تری یاد کی ہوس
شاخِ نہالِ زخم سے بُوئے گُلاب لے گئی
پہلے ہوا کے زِیرو بم ہم کو قریب کر گئے
پھر ہمیں ساحلوں سے دُور، یورشِ آب لے گئی
موجۂ وقت سے نڈھال ڈُوب رہے ہیں خدّو خال
ساعتِ حیلہ جُو سلیم عہدِ شباب لے گئی
Lazzat-e-hijr le gayi, vasl ke khwab le gayi
Lazzat-e-hijr le gayi, vasl ke khwab le gayi
Qarz thi yaad-e-raftagaan, raat hisaab le gayi
Jaam-e-sifaal par meri kitni giraft thi magar
Aab-o-hawa-e-roz-o-shab, khana kharaab, le gayi
Sohbat-e-hijr mein ghiri junbish-e-chashm-e-surmagin
Khud hi sawal kar gayi, khud hi jawab le gayi
Tishna-khiraam-e-ishq par abr ke saaye the magar
Arsa be-giyah tak chashmak-e-aab le gayi
Kar-e-jahan se rooth kar phir teri yaad ki hawas
Shaakh-e-nihaal-e-zakhm se boo-e-gulab le gayi
Pehle hawa ke zeero-bam hum ko qareeb kar gaye
Phir hamein sahilon se door, yoorish-e-aab le gayi
Mauj-e-waqt se nidhaal doob rahe hain khadd-o-khaal
Sa'at-e-heela-joo Saleem ahd-e-shabab le gayi
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں