ملنا نہ ملنا ایک بہانہ ہے اور بس — سلیم کوثر
شاعر
ملنا نہ ملنا ایک بہانہ ہے اور بس
ملنا نہ ملنا ایک بہانہ ہے اور بس
تم سچ ہو باقی جو ہے فسانہ ہے اور بس
لوگوں کو راستے کی ضرورت ہے اور مجھے
اک سنگ رہ گزر کو ہٹانا ہے اور بس
مصروفیت زیادہ نہیں ہے مری یہاں
مٹی سے اک چراغ بنانا ہے اور بس
سوئے ہوئے تو جاگ ہی جائیں گے ایک دن
جو جاگتے ہیں ان کو جگانا ہے اور بس
تم وہ نہیں ہو جن سے وفا کی امید ہے
تم سے مری مراد زمانہ ہے اور بس
پھولوں کو ڈھونڈتا ہوا پھرتا ہوں باغ میں
باد صبا کو کام دلانا ہے اور بس
آب و ہوا تو یوں بھی مرا مسئلہ نہیں
مجھ کو تو اک درخت لگانا ہے اور بس
نیندوں کا رت جگوں سے الجھنا یوں ہی نہیں
اک خواب رائیگاں کو بچانا ہے اور بس
اک وعدہ جو کیا ہی نہیں ہے ابھی سلیمؔ
مجھ کو وہی تو وعدہ نبھانا ہے اور بس
Milna Na Milna Ek Bahana Hai Aur Bas
Milna na milna ek bahana hai aur bas
Tum sach ho baqi jo hai fasana hai aur bas
Logon ko raaste ki zaroorat hai aur mujhe
Ik sang-e-reh-guzar ko hatana hai aur bas
Masroofiyat ziyada nahin hai meri yahan
Mitti se ek charagh banana hai aur bas
Soye hue to jaag hi jaayen ge ek din
Jo jaagte hain un ko jagana hai aur bas
Tum woh nahin ho jin se wafa ki umeed hai
Tum se meri muraad zamana hai aur bas
Phoolon ko dhoondhta hua phirta hoon bagh mein
Baad-e-saba ko kaam dilana hai aur bas
Aab o hawa to yun bhi mira masla nahin
Mujh ko to ik darakht lagana hai aur bas
Neendon ka ratjagoon se ulajhna yun hi nahin
Ik khwab-e-ra'egaan ko bachana hai aur bas
Ik wada jo kiya hi nahin hai abhi Saleem
Mujh ko wohi to wada nibhana hai aur bas
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں