پھر جی اٹھے ہیں جس سے وہ امکان تم نہیں — سلیم کوثر
شاعر
پھر جی اٹھے ہیں جس سے وہ امکان تم نہیں
پھر جی اٹھے ہیں جس سے وہ امکان تم نہیں
اب جو بھی کر رہا ہے یہ احسان تم نہیں
مجھ میں بدل رہا ہے جو اک عالم خیال
اس لمحۂ جنوں کے نگہبان تم نہیں
بجھتے ہوئے چراغ کی لو جس نے تیز کی
وہ اور ہی ہوا ہے مری جان تم نہیں
پھر یوں ہوا کہ جیسے گرہ کھل گئی کوئی
مشکل تو بس یہی تھی کہ آسان تم نہیں
تم نے سنی نہیں ہے صدائے شکست دل
ہم جھیلتے رہے ہیں یہ نقصان تم نہیں
تم سے تو بس نباہ کی صورت نکل پڑی
جس سے ہوئے تھے وعدہ و پیمان تم نہیں
خوش فہمیوں کی بات الگ ہے مگر یہ گھر
جس کے لیے سجا ہے وہ مہمان تم نہیں
یہ عالم ظہور ہے ہجرت زدہ سلیمؔ
ہم بھی دکھی ہیں صرف پریشان تم نہیں
Phir Ji Uthe Hain Jis Se Woh Imkaan Tum Nahin
Phir ji uthe hain jis se woh imkaan tum nahin
Ab jo bhi kar raha hai yeh ehsaan tum nahin
Mujh mein badal raha hai jo ik aalam-e-khayal
Is lamhe junoon ke nigehbaan tum nahin
Bujhte hue charagh ki lau jis ne tez ki
Woh aur hi hawa hai meri jaan tum nahin
Phir yun hua ke jaise girah khul gayi koi
Mushkil to bas yehi thi ke aasan tum nahin
Tum ne suni nahin hai sada-e-shikast-e-dil
Hum jhelte rahe hain yeh nuqsaan tum nahin
Tum se to bas nibah ki soorat nikal padi
Jis se hue the wada o paimaan tum nahin
Khush-fehmiyon ki baat alag hai magar yeh ghar
Jis ke liye saja hai woh mehman tum nahin
Yeh aalam-e-zahoor hai hijrat zada Saleem
Hum bhi dukhi hain sirf pareshan tum nahin
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں