قربتیں ہوتے ہوئے بھی فاصلوں میں قید ہیں — سلیم کوثر
شاعر
قربتیں ہوتے ہوئے بھی فاصلوں میں قید ہیں
قربتیں ہوتے ہوئے بھی فاصلوں میں قید ہیں
کتنی آزادی سے ہم اپنی حدوں میں قید ہیں
کون سی آنکھوں میں میرے خواب روشن ہیں ابھی
کس کی نیندیں ہیں جو میرے رتجگوں میں قید ہیں
شہر آبادی سے خالی ہو گئے خوشبو سے پھول
اور کتنی خواہشیں ہیں جو دلوں میں قید ہیں
پاؤں میں رشتوں کی زنجیریں ہیں دل میں خوف کی
ایسا لگتا ہے کہ ہم اپنے گھروں میں قید ہیں
یہ زمیں یوں ہی سکڑتی جائے گی اور ایک دن
پھیل جائیں گے جو طوفاں ساحلوں میں قید ہیں
اس جزیرے پر ازل سے خاک اڑتی ہے ہوا
منزلوں کے بھید پھر بھی راستوں میں قید ہیں
کون یہ پاتال سے ابھرا کنارے پر سلیمؔ
سر پھری موجیں ابھی تک دائروں میں قید ہیں
Qurbatein hote hue bhi faaslon mein qaid hain
Qurbatein hote hue bhi faaslon mein qaid hain
Kitni aazadi se hum apni haddon mein qaid hain
Kaun si aankhon mein mere khwab roshan hain abhi
Kis ki neendein hain jo mere ratjagoon mein qaid hain
Shehar abadi se khaali ho gaye khushboo se phool
Aur kitni khwahishein hain jo dilon mein qaid hain
Paon mein rishton ki zanjeerein hain dil mein khauf ki
Aisa lagta hai ke hum apne gharon mein qaid hain
Yeh zameen yoon hi sikudti jayegi aur ek din
Phel jayenge jo toofan sahilon mein qaid hain
Is jazeere par azal se khaak udti hai hawa
Manzilon ke bhed phir bhi raaston mein qaid hain
Kaun yeh pataal se ubhra kinare par Saleem
Sar-phiri maujein abhi tak daayron mein qaid hain
شاعر کے بارے میں
سلیم کوثر، جن کا اصل نام محمد سلیم ہے، 24 اکتوبر 1947 کو بھارت کے شہر پانی پت میں پیدا ہوئے۔ تقسیمِ ہند کے بعد ان کا خاندان پاکستان منتقل ہوا اور خ...
مکمل تعارف پڑھیں