سوکھے ہونٹ، سلگتی آنکھیں، سرسوں جیسا رنگ — شبنم شکیل
شاعر
سوکھے ہونٹ، سلگتی آنکھیں، سرسوں جیسا رنگ
سوکھے ہونٹ، سلگتی آنکھیں، سرسوں جیسا رنگ
برسوں بعد وہ دیکھ کے مجھ کو رہ جائے گا دنگ
ماضی کا وہ لمحہ مجھ کو آج بھی خون رلائے
اکھڑی اکھڑی باتیں اس کی، غیروں جیسے ڈھنگ
تارہ بن کے دور افق پر کانپے، لرزے، ڈولے
کچی ڈور سے اڑنے والی دیکھو ایک پتنگ
دل کو تو پہلے ہی درد کی دیمک چاٹ گئی تھی
روح کو بھی اب کھاتا جائے تنہائی کا زنگ
انہی کے صدقے یا رب میری مشکل کر آسان
میرے جیسے اور بھی ہیں جو دل کے ہاتھوں تنگ
سب کچھ دے کر ہنس دی اور پھر کہنے لگی تقدیر
کبھی نہ ہوگی پوری تیرے دل کی ایک امنگ
شبنم کوئی جو تجھ سے ہارے، جیت پہ مان نہ کرنا
جیت وہ ہوگی جب جیتو گی اپنے آپ سے جنگ
Sookhe honth, sulagti aankhen, sarson jaisa rang
Sookhe honth, sulagti aankhen, sarson jaisa rang
Barson baad woh dekh ke mujh ko reh jaaye ga dang
Mazi ka woh lamha mujh ko aaj bhi khoon rulaaye
Ukhri ukhri baatein us ki, ghairon jaise dhang
Taara ban ke door ufuq par kaanpe, larze, dole
Kachchi dor se udne wali dekho ek patang
Dil ko to pehle hi dard ki deemak chaat gayi thi
Rooh ko bhi ab khaata jaaye tanhai ka zang
Inhi ke sadqe ya Rab meri mushkil kar aasaan
Mere jaise aur bhi hain jo dil ke haathon tang
Sab kuch de kar hans di aur phir kehne lagi taqdeer
Kabhi na hogi poori tere dil ki ek umang
Shabnam koi jo tujh se haare, jeet pe maan na karna
Jeet woh hogi jab jeeto gi apne aap se jang
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں