غزہ اِس عہد کا کرب و بلا ہے — تنویر دانش
شاعر
غزہ اِس عہد کا کرب و بلا ہے
غزہ اِس عہد کا کرب و بلا ہے
غزہ اس عہد کا اک آئنہ ہے
بہت سوں کا بھیانک پن کھلا ہے
بہت سوں کا نقابِ زہد اترا
منافق تھے صفوں میں جو ہماری
سبھی کے بت زمیں پر آگرے ہیں
غزہ اس عہد کا کرب و بلا ہے
نہتے لوگ ہیں پھر بھی ڈٹے ہیں
دھماکوں میں مدد کی ہیں صدائیں
یہ ہم کردار میں کوفی کھڑے ہیں
ہم اُن کا حق بخوبی جانتے ہیں
مگر اِس بار حر کوئی نہیں ہے
گلی کوچے سبھی مقتل بنے ہیں
وہاں بارود سے لاشے اٹے ہیں
کہ چھینی جا چکی ہیں سب ردائیں
اجاڑی جا چکی ہیں کتنی مائیں
کہ سارے گھر جلائے جا چکے ہیں
سبھی آنگن کہ ویراں ہو چکے ہیں
بپا ہونے کو ہے شامِ غریباں
کئی شہپر جو ریگِ رن ہوئے ہیں
کہاں پر کون ہے اور کس قفس میں
ہمیں تو سخت حیرت ہو رہی ہے
ہر اک آواز سینے میں دبی ہے
یہ منظر ظلم کا کچھ کم نہیں ہے
ہماری آنکھ ہے اور نم نہیں ہے
تنویر دانش
Ghazah is ahd ka karb-o-bala hai
Ghazah is ahd ka karb-o-bala hai
Ghazah is ahd ka ek aaina hai
Bahut so'n ka bhayanak pan khula hai
Bahut so'n ka naqab-e-zohd utra
Munafiq the safon mein jo hamari
Sabhi ke but zameen par aa gire hain
Ghazah is ahd ka karb-o-bala hai
Nihatte log hain phir bhi date hain
Dhamaako'n mein madad ki hain sadayen
Yeh hum kirdar mein Kufi khade hain
Hum un ka haq ba-khoobi jaante hain
Magar is baar Hurr koi nahin hai
Gali kooche sabhi maqtal bane hain
Wahan barood se laashe ate hain
Ke chheeni ja chuki hain sab radayen
Ujaadi ja chuki hain kitni mayen
Ke saare ghar jalaaye ja chuke hain
Sabhi aangan ke veeran ho chuke hain
Bapa hone ko hai sham-e-ghariban
Kayi shahpar jo reg-e-ran hue hain
Kahan par kaun hai aur kis qafas mein
Hamein to sakht hairat ho rahi hai
Har ek awaaz seene mein dabbi hai
Yeh manzar zulm ka kuch kam nahin hai
Hamari aankh hai aur nam nahin hai