چلو ہم ہی پہل کر دیں کہ ہم سے بد گماں کیوں ہو — وسیم بریلوی
شاعر
چلو ہم ہی پہل کر دیں کہ ہم سے بد گماں کیوں ہو
چلو ہم ہی پہل کر دیں کہ ہم سے بد گماں کیوں ہو
کوئی رشتہ ذرا سی ضد کی خاطر رائیگاں کیوں ہو
میں زندہ ہوں تو اس زندہ ضمیری کی بدولت ہی
جو بولے تیرے لہجے میں بھلا میری زباں کیوں ہو
سوال آخر یہ اک دن دیکھنا ہم ہی اٹھائیں گے
نہ سمجھے جو زمیں کے غم وہ اپنا آسماں کیوں ہو
ہماری گفتگو کی اور بھی سمتیں بہت سی ہیں
کسی کا دل دکھانے ہی کو پھر اپنی زباں کیوں ہو
بکھر کر رہ گیا ہمسائیگی کا خواب ہی ورنہ
دیئے اس گھر میں روشن ہوں تو اس گھر میں دھواں کیوں ہو
محبت آسماں کو جب زمیں کرنے کی ضد ٹھہری
تو پھر بزدل اصولوں کی شرافت درمیاں کیوں ہو
امیدیں ساری دنیا سے وسیمؔ اور خود میں ایسے غم
کسی پہ کچھ نہ ظاہر ہو تو کوئی مہرباں کیوں ہو
Chalo hum hi pehal kar dein ke hum se bad-guman kyon ho
Chalo hum hi pehal kar dein ke hum se bad-guman kyon ho
Koi rishta zara si zid ki khatir raayegan kyon ho
Main zinda hoon to is zinda-zamiri ki badolat hi
Jo bole tere lehje mein bhala meri zaban kyon ho
Sawāl aakhir yeh ik din dekhna hum hi uthayenge
Na samjhe jo zameen ke gham woh apna aasman kyon ho
Hamari guftagu ki aur bhi simtein bahut si hain
Kisi ka dil dukhane hi ko phir apni zaban kyon ho
Bikhar kar rah gaya hamsayegi ka khwab hi varna
Diye us ghar mein raushan hon to is ghar mein dhuan kyon ho
Mohabbat aasman ko jab zamin karne ki zid thahri
To phir buzdil usoolon ki sharafat darmiyan kyon ho
Umeedein sari duniya se Wasim aur khud mein aise gham
Kisi pe kuch na zahir ho to koi mehrban kyon ho
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں