کھلونا — وسیم بریلوی
شاعر
کھلونا
دیر سے ایک ناسمجھ بچہ
اک کھلونے کے ٹوٹ جانے پر
اس طرح سے اداس بیٹھا ہے
جیسے میت قریب رکھی ہو
اور مرنے کے بعد ہر ہر بات
مرنے والے کی یاد آتی ہو
جانے کیا کیا ذرا توقف سے
سوچ لیتا ہے اور روتا ہے
لیکن اتنی خبر کہاں اس کو
زندگی کے عجیب ہاتھوں میں
یہ بھی مٹی کا اک کھلونا ہے
Khilauna
Der se ek na-samajh bachcha
Ek khilaune ke toot jaane par
Is tarah se udaas baitha hai
Jaise mayyat qareeb rakhi ho
Aur marne ke baad har har baat
Marne wale ki yaad aati ho
Jaane kya kya zara tawaqqaf se
Soch leta hai aur rota hai
Lekin itni khabar kahan us ko
Zindagi ke ajeeb haathon mein
Yeh bhi mitti ka ek khilauna hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں