چاند کا خواب اجالوں کی نظر لگتا ہے — وسیم بریلوی
شاعر
چاند کا خواب اجالوں کی نظر لگتا ہے
چاند کا خواب اجالوں کی نظر لگتا ہے
تو جدھر ہو کے گزر جائے خبر لگتا ہے
اس کی یادوں نے اگا رکھے ہیں سورج اتنے
شام کا وقت بھی آئے تو سحر لگتا ہے
ایک منظر پہ ٹھہرنے نہیں دیتی فطرت
عمر بھر آنکھ کی قسمت میں سفر لگتا ہے
میں نظر بھر کے ترے جسم کو جب دیکھتا ہوں
پہلی بارش میں نہایا سا شجر لگتا ہے
بے سہارا تھا بہت پیار کوئی پوچھتا کیا
تو نے کاندھے پہ جگہ دی ہے تو سر لگتا ہے
تیری قربت کے یہ لمحے اسے راس آئیں کیا
صبح ہونے کا جسے شام سے ڈر لگتا ہے
Chand ka khwab ujalon ki nazar lagta hai
Chand ka khwab ujalon ki nazar lagta hai
Tu jidhar ho ke guzar jaaye khabar lagta hai
Uski yadon ne uga rakhe hain suraj itne
Sham ka waqt bhi aaye to sahar lagta hai
Ek manzar pe thaharne nahin deti fitrat
Umar bhar aankh ki qismat mein safar lagta hai
Main nazar bhar ke tere jism ko jab dekhta hoon
Pehli barish mein nahaya sa shajar lagta hai
Be-sahara tha bahut pyar koi puchhta kya
Tune kandhe pe jagah di hai to sar lagta hai
Teri qurbat ke yeh lamhe use raas aayen kya
Subh hone ka jise sham se dar lagta hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں