ہم اپنے آپ کو اک مسئلہ بنا نہ سکے — وسیم بریلوی
شاعر
ہم اپنے آپ کو اک مسئلہ بنا نہ سکے
ہم اپنے آپ کو اک مسئلہ بنا نہ سکے
اسی لئے تو کسی کی نظر میں آ نہ سکے
ہم آنسوؤں کی طرح واسطے نبھا نہ سکے
رہے جن آنکھوں میں ان میں ہی گھر بنا نہ سکے
پھر آندھیوں نے سکھایا وہاں سفر کا ہنر
جہاں چراغ ہمیں راستہ دکھا نہ سکے
جو پیش پیش تھے بستی بچانے والوں میں
لگی جب آگ تو اپنا بھی گھر بچا نہ سکے
مرے خدا کسی ایسی جگہ اسے رکھنا
جہاں کوئی مرے بارے میں کچھ بتا نہ سکے
تمام عمر کی کوشش کا بس یہی حاصل
کسی کو اپنے مطابق کوئی بنا نہ سکے
تسلیوں پہ بہت دن جیا نہیں جاتا
کچھ ایسا ہو کے ترا اعتبار آ نہ سکے
Hum apne aap ko ik masla bana na sake
Hum apne aap ko ik masla bana na sake
Isi liye to kisi ki nazar mein aa na sake
Hum aansuon ki tarah vaste nibha na sake
Rahe jin aankhon mein un mein hi ghar bana na sake
Phir aandhiyon ne sikhaya wahan safar ka hunar
Jahan chiragh hamein rasta dikha na sake
Jo pesh pesh the basti bachane walon mein
Lagi jab aag to apna bhi ghar bacha na sake
Mere Khuda kisi aisi jagah use rakhna
Jahan koi mere bare mein kuch bata na sake
Tamam umr ki koshish ka bas yehi hasil
Kisi ko apne mutabiq koi bana na sake
Tasalliyon pe bahut din jiya nahin jaata
Kuch aisa ho ke tera aitbar aa na sake
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں